شسالفه ياجماعه الخير ؟؟ (( الردود والمشاركات ))

[بنت المطوع]

http://bahrainforums.com/usersfiles/4014-tree.gif

http://bahrainforums.com/usersfiles/4014-heartttro1.gif



http://bahrainforums.com/usersfiles/4014-heartttro11.gif


اعزائي الطلبة والطالبات


قبل ان ابدأ في وضع التقرير الذي اعددناه لحلقة (( حدث في مثل هذا اليوم بجامعة البحرين )) ننقل لكم بعض الاجابات والاستفسارات التي وردت في حلقاتنا السابقه عن موضوع (( شسالفه ياجماعه الخير ؟؟ )) ..

اخترت لكم هذه الباقة من المشاركات اللطيفة والطريفة من المنتديات التي نشر بها هذا الموضوع وقد ارتأيت وضعها هنا في محاولة مني لرسم البسمة على وجوهكم كما ابتسمت وانا اقرئها .. هذا لا يعني انني ساهمل الانتقادات التي وجهت بل ساضع بعضا منها ايضا حتى نكون حيادين وارجو معذرتي في اختياري للبعض منها فقط ومعذرتي مره اخرى على التعليقات التي ساضعها على المشاركات ...

(( الردود على شسالفه يا جماعه الخير ؟؟ ))

****
يمكن جني في جهازش؟؟

جربي تكسرين عليه بيضة

****

شسالفة

ما استوعبت شي

****

شنو صاير جم حبل مشنقة حاطين
مافينه شدة تصيرون مثل ابو فلفل
حتى سالي مال الرسوم معاهم (( شسالفه ابو فلفل ؟؟ ))

****

السلام عليكم

لم أستوعب الأمر احساسي يقول فيه شئ مو طبيعي

هل هناك تفسير؟


****
يعني ويه

****
الظاهر رجعت الميزانية

موضوع غريب (( وانا اقول الظاهر ان هاي احلام طلبة الجامعه ))

****
شالسالفة؟؟؟؟

ما فهمت شي..

****

تستعجلوووون
ما يخفيه القلب تظهره صفحات النت
الله كريم وتعرفون وش السالفة
وش ورا راس هالجماعة.. (( لازم يكون لي هالجماعه راس والله شلون بتمشي اجتماعاتهم ؟))
****

فهمونا شنو السالفة؟؟؟ (( اي والله فهمونا ))

****

بعد كل هذا التقرير قررت اني اروح حق وحد تقرأ الفااال


وخبرتني بشي مهم والله اعلم


في مفاجأة راح تتفجر خلال هالفترة بجامعة البحرين سألها شنهي هالمفاجأة قالت بتعرف عقب بس لازم تقدرون مجلس الطلبة الي تعاونوو علشان يسون ليكم هالمفاجأة الصراحة ما ادري شنهي هالمفاجأة بس اتمنى تعم علينا كلنا بالخير

وسلامتكم (( هههههههههه على فكرة حرام فج الفال )):aa_Dance2

****

شسالفة يعني ؟
بخلونا نعيد المقررات إلا جايبين فيها B وأقل ?

أو بنقصون عنا عدد الساعات المطلوبة لتخرج ؟

أو بسون حل حق بعض الدكاترة ؟

أو بفكون التعارض في أوقات المحاضرات قبل لا يكون فيه تعارض في أيام الإمتحانات ؟ (( يمكن بعد ماتدري )):biggrin23

****
أبي أعرف شسالفه

ماحب هالإحساس

****

شكراً جزيلاً، ومع إحترامي لم تعجبني المسميات التي تم إطلاقها، طالبان والقاعدة !!

****
والقصد من الموضوع ؟!
صراحه انا ماشوف الا صور اوادم عليهم شخوط حمرا ..!

واستغربت من طرح الموضوع
واستخدام طالبان والقاعدة كـ تشبيهات مجازيــه !

****

عادي.. منى المطوع اللعام في مجلس الطلبة.. وتوقيعها فيه سالي.. فيمكن هي حطت الباك قراوند

****

ثم ماذا ؟!
شبيسوون يعني ؟!
بتحرر فلسطين اخيرا ؟!
.
.
.

سمحيلي اخت منى ..
ما كان لازم يكون هالموضوع من قلمج !
وطالبان والقاعده شفيهم ؟! (( شنو فيهم بعد اختي ؟؟ نحبهم وايد ))

****

وش هست
وش السالفة!! (( وشهست بعد ؟؟ حيالله اهل محـــرررق ))

***

اتقي الله

ليش قاعده تشوهين سمعة الناس ؟

ويش تستفيدين ؟ ؟؟؟؟؟

ارجو من المشرف ان يحذف الموضوع مشكورا (( عبدالحليم حافظ يقول ظلموه ظلموه ))

(( جان ايي رد مباشره من بعد هالرد ))

ههههههههه
يستاهلون الصراحة
دمروا امنيات 3000 طالب وطالبة
سوا فينا مجزرة ..
الله ينتقهم منهم

((وجان اترد الاخيره ))

ليس هناك تشويه لسمعة أحد ..

منى المطوع إعلامية المجلس وتكتب أخباره بطريقتها الخاصة .. (( عجبني اللقب شكرا ))

****

صج اني مااعرف شي عن انتخابات الجامعه!

لكنه شي محير فعلا

انة انتظر حل اللغز
هع هع هع

****

ان اللي اعرفه منهم محمد جاسم

بس مو حاطين عليه دائرة

نبي نعرف شسالفة اختي منى

****

من وين يايبة الصور
يمكن اذا عرفتي من وين بتعرفين شسالفة (( من وين يايبتهم بعد .. من جهازي وه ))

***
المضحك في الموضوع...
جوفوا سالي على خلفية شاشة الكمبيوتر في اول صورة...

خطير الاخ علام :-) (( العالم هدت الموضوع وتمت اتفكر بسالي شكله ))

****

ماذا حدث هنا ؟؟؟؟؟

****

شو السالفه ؟؟!!
شصاير ؟!
شو سالفه الصور المختومه باللون الاحمر ؟!

****

ايوه والله ياجامعتكم شحليلهاا

شسالفتكم مصورين المنسقين الي عندكم

لاوبعد مجموعة طالبان وسولف حلوه بالجامعه

الله يخلف علينا يالله نتكلم مع الدكاتره شلون عاد نقدر نصورهم او نعرف اتفاقياتهم

يعطيكم العافيه ياطالبان جامعه البحرين
وياليت توسعون نفودكم عندنا بجامعه الملك سعود
وتقبلوا تحياتي
(( الله يعافيك الشيخ بس اتهقه يعني اتظن جامعتكم اتوافق علينا ؟))
****

هههههههههههههههههههههههههههههههق

حشى ارهابين مو طلبه هههههههههههههههههق

نننتظر المزيد من التفااصيل لحركه طالبان الجامعيه ههههههههههههههههق

تسلمين على النشره

يعطيك العافيه على المجهود المبذول

دمتى برعايه الله وحفظه

تقبلى خالص الاحترام والتقدير

وشكررررررررررا

****
عادي منوي وشفيج خايفه يمكن هذي احد لاعب بالصور بالفوتوشوب

فكلش مافي شي ويجوز ان قصدهم يرشحونهم


وبعدين انتي من وين لج هالصور؟؟؟؟؟ (( الرد هاي ذبحني ضحك ))

****

شنو القصة مو فاهم السالفة ممكن التوضيح

شنو القصة مو فاهم السالفة ممكن التوضيح

مثل الشعور ..!!
طليت عليه في منتدى uobtimes
بس مثل الحالة .. ماينفهم له ..

بس على ماعتقد انهم يجتمعوون بعض الاعضاء بالسريه .. هاللي فهمته طبعا واكيد السالفه جايده
هخخخخخخخ انتي الحين إلي شتسالفش .... إحنا للحين ما فهمنا شي


إقتباس:
شنو القصة مو فاهم السالفة ممكن التوضيح
إقتباس:
مثل الشعور ..!!

ما اختلفت عن الي قبلي في شي
حالي من حالهم
مادري وش صاير !!!!!!!!!!

يااااجمااااااااعه الخير شساااالفه ؟؟


علمي علمك ؟! (( الظاهر الموضوع انقلب شات ))

****
هلا ,,

لاتتكلمون بالألغااز

وين كاتب الموضوع (( ولا يهمك بنقول حق طالبان الجامعية عن الكاتب ))

****
خخخخخخخخ
شكله الي راسم على وجوههم حاط العداوة وياهم (( إن بعض الظن إثم تره ))

****

الخطوط الحمراء في ناس امسوينه ذي بالفوتوشوب

شكله جذي والله اعلم

او قاعدين يسون عليهم تصويت مخفي

ما يندرى (( فديت الذكاء ))

****

شسااااااالفة هالخطوط نورينا باللي عندج يامنى
والله أنا مو فاهم شي !!
اول ابغي اعرف الصور من وين؟ بعدين ببحث سر الدائرة ^_^

شسالفة الخطوط

و من اليه مخلينه

و ليش مخلينهم (( جان كملتوها بعد وليش واشحقه واشوله ؟؟ ))

****

هذا كانه الاجتماع الي مع مجلس الطلبة شان التطبيقي ..؟؟ :aa_Dance2 :aa_Dance2

تابعــونا



http://www.bahrainforums.com/images/smilies/rose.gif