توحيد المسارات.......

[زهرة زمردة]

السلام عليكم ورحمة الله وبركاته .. !!

شخباركم ياطلابنا وطالبتنا الأعزاء؟!!

قررنا نسوي مناظرة عن نظام توحيد المساراتت..مثل ماتعرفون إن هالنظام تقريباً بطبق على كل المدارس تقريباً ..والكل بياخذه
فحبينا تشاركونا عنه..

يعني شرايكم بهالنظام؟!!
وهل انتون مؤيييدينه أو معارضينه؟!!
وشنو إللي عاجبنكم فيه..؟!!
وشنو الشي اللي مو عاجبنكم..؟!!
يعني باختصار كل سلبيات وإيجابياته إدرجوها إهني!!
حق إللي عاش هالتجربة ..!!
وحتى إللي بخوضها إن شاء الله..من خلال ماسمعه عن هالنظام..هل أعجبه أو لا ..!!
وشنو الأشياء إللي تتمنونها تصير في هالنظام والقوانين إللي تبون تحذفونها منه؟!!

أتمنى منكم إنكم تشاركوونا في هالموضووع جميعكم..حق تفييديون الجميع..
وخصوصاً إللي عاشو هالتجربة!!

[♥•° أسيـ عيـــونها ــر °•♥]

و الله انه ما اعرف شي لاني مخلص مدرسة من زمان

مشكورة على المشاركة

[قاصد خير]

و الله يا أختي أنا في توحيد المسارات
بس انا سنة ثانية ((علوم تجارية))

من ناحية الإيجابيات، أنا أشوف إن فيه حصص النادي و المصادر (مكتبة) و (إرشاد) و بالإضافة إلى بعض المواد الإثرائية ك(الأسرية) و (السياقة) و (الكهرباء) ، يكمن أنتوا البنات عندكم أكثر المواد.
هذا بالإضافة إن السنة الاولى يتم فيه تدريس مواد مشتركة و بعدها الطالب يختار التخصص اللي يبيه، يمكن هالشي زين عشان الطالب ما يتسرع في إختيار التخصص اللي بيروح له، و يعرف اللي له اللي عليه، يمكن بعد الزين كذلك تطبيق التدريس الإلكتروني في بعض المواد.

بس السلبيات الأساسية تكمن من الأساس، يعني أنا يتراوالي لو يخلون المرحلة الثانوية أربع سنوات يكون أحسن، سنة أولى توحيد و 3 سنوات لاحقة يتخصص فيها الطالب في أحد التخصصات.
إضافة إلى سوء التعليم في بعض المواد كلكمبيوتر ((اللذي يجب تدريسه بالEnglish)) و هم حضرتهم يدرسونه بالعربي.

بس احنا تقدرين تقولين إن كثير من الطلاب ((مخرطينها)) في الثانوية كله يقصونه ((يطلعون من الحصص)).

الصراحة التعليم الحكومي يبيله إعادة هيكلة، و هالشي ضروري ضروري ضروري ، و أكبر دليل نسبة البطالة الكبيرة اللي عندنا.

أتمنى إني أفاديتج بشي يا اختي، و مشكورة على الإهتمام.

[قـلـوب]

اهلاً ..

انا مب عاجبني توحيد مسارات .. وقاعد يتطبق القرار في كل المدارس

اكيد انه يصعب المناهج على الطلااب ...

او انه بدل ما يدرس مواد التخصص الواحد بيدرس اكثر من تخصص

فأكيد أو ان من اول المعارضين الى هذا القرار

[الغاآاآاآلي]

ههههههههههههههههه

التوحيد مسارات

افشل قرار سمعت عنه

سالوني

سمعوا

العلمي يدرسووووووووووووووووووون

والتجاري يلعبوووووووووووووووووووون والادبي بعد

التجاري كله فرااااااااااااغ

والعلمي كله يحكون عل ويوهوم

للاسف الوزارة ما عرفت شلون اتوازن بين الاثنين

لاوبعد

انا في علمي فيزيا رياضيات

كتبنا معضمها ملغيه

احس اني راح اتخرج واحد ما اعرف شي

لا ومال تجاري الصعب الي عندهم فقط انه في بعض الفصول يخذون 2 كتب عربي بس لا وعارفين شنو بيهم في الاختبارات
لكن شنسوي

صج مهزله

لا والصفوف الالكترونيه

هههههههههههههههههههه

ماناخذ اله حصه وحده في الاسبوع
لا وساعات ما نروح

يا اخوان

انا من رايي ان يرجعون النظام القبلي وايد احسن

(لا توجد ايجابيات ابدا) بس حق التجاري لان كله لعب وبعدين يتخرجون ما يعرفون شي هههههههه

[ملاك الحب]

من المحاضرات الي سمعناها

ان توحيد المسارات يخلي الشخص يعرف كل مسار شنو فيه و بعد علشان ما يتسرع في القرار و بعدين يندم على ان اخذه

انا ساعات اقول انه زين و ساعات اقول انه مب زين

و سألت بنات الي اخذوا توحيد قالوا انه واااايد صعب

يعني يبي له اهتمام اكثر

الله يساعدنا بعدين ...

يسلمووا عالموضوع

[زهرة زمردة]

آنة أول ما سمعت عنه حسيت أنه وايد صعب ..........ولين طلعت الشهادات مافي إلا بنتين ثلاث متفوقات في توحيد المسارات,,,,,,,,(يقولون)

والله أعلم ...

وعلى فكرة ,إحنا عطونا مجموعة من المجالات بعد ما إخترنا أي مسار ,كالتالي:

مراكز علوم
رياضيات
المجالت الأدبية (شعر وخطابات)
رياضة
اللغة الفرنسية
فن
حاسوب

وآنة ما فهمت إشلون راح يطبقونه إذا كل واحد إختار إلي يبي.......؟

[براءة طفلة]

انا بتوحيد المسارات ..(علمي تخصص فيزياءورياضيات)

بالعكس والله هذا نظام جيد

ومافيه كثير سلبيات وانا اشوفه متطور وممكن انه يفيد الطالب

بحيث انه ما يتسرع في اتخاذ قراره

وثاني شي هو مو صعب ولا فيه صعوبة

والي ما يدرس ولا يركز اكيد بيكون كلشي عليه صعب ...

ومن ايجابياته انه فيه مواد اثرائية شقية

غير موجودة في النظام القديم

وماشاءالله الكتب متطورة وخصوصا كتب الرياضيات

واضحة وسهلة وبالاضافة الى ان بعض المواد

المشتركة بين التخصص القديم العلمي والتخصص الحالي

فيها كثير تطورات اشياء كثيرة محذوفة بحيث انها ما تضغط على الطالب

والسلبية الي اشوفها انا ان سنة ثانية الي هي السنة

الي يتخصص فيها الطالب تكون صعبة شوي ويكون

الطالب فيها مضغوط من حيث كثرة المواد وصعوبتها

لان سنة اولى المواد كلش سهلة ...

ولكن ممكن ان الواحد يتجاوز هالامور

هذا بالنسبة لرايي وعن تجربة طبعا

شكرا.. وبالتوفيق للجميع

[شلال المحبة]

مشكورة زهرة زمردة

[sweety]

http://www.al-3reen.com/album/data/media/21/barrrrb1.gif

أولا : مشكوورة على طرح الموضوع ..:thnx:

ثانيا : ردي على موضوعج :red_smile

يعني شرايكم بهالنظام؟!!

انا الحين أول ثانوي (( توحيد المسارات )) .. احسه انه نظام زين وفيه وايد ايجابيات

وهل انتي من مؤيييدينه أو معارضينه؟!!

في البداية كنت معارضة بس الحين من أشد المؤيدين له

وشنو إللي عاجبنكم فيه..؟!!


أول شي انه جمع بين كل التخصصات .. يعني ندرس مواد مشتركة وهاي عطانا فرصة ان نختار التخصص الي نبيه .. يعني في واايد بنات كانوا متخرجين من الاعدادي على اساس انهم بيدخلون علمي .. بس عقب ماخذوا المواد العلمية حسوا انها ماتناسبهم .. فاختاروا التخصص التجاري ..

بصورة ثانية : هاي النظام وضح لنا شنو الميول والتخصص الي يناسبنا بصورة اقرب ..:ansmile0:

وشنو الشي اللي مو عاجبنكم..؟!!

ممم كل شي له ايجابيات وسلبيات .. مافي شي معين

من خلال التجربة :

مممم لاحظت انه شامل لكل النواحي .. يعني جدولنا الاسبوع مو مضغوط .. فيه حصص اثرائية (( من غيردرجات بس اجتياز مثل السياقة والزرع والصحة )) وو في حصص (( النادي )) الي تنمي مهاراتنا مثل (( الحاسوب - القصة والشعر - الإبداع الأدبي - الرياضة - البحث العلمي ,,,,, )) .. إضافة الى حصة (( الإرشاد )) الي نقدر انه نتكلم فيها عن مشاكلنا وغيرها .. + موادنا الأساسية


http://www.al-anwar.net/fawasel/Alhawe_Graphic_com_Welcom%2520(25).gif