عيـ[القصص و الروايات]ـون شاركونا بأجمل القصص واقرءو معنا امتع الروايات وقصص رومانسيه وحقيقيه


إضافة رد
 
LinkBack أدوات الموضوع تقييم الموضوع انواع عرض الموضوع
  رقم المشاركة : ( 1 )  
قديم 06-12-2008, 05:44 PM
الصورة الرمزية المسكـ لوني
 
عـيـون راقـي


  المسكـ لوني غير متصل  
الملف الشخصي
رقــم العضويـــة : 45860
تـاريخ التسجيـل : Mar 2008
عدد المشاركات : 2,267
الــــــــجنــــــس :
الـــــدولـــــــــــة : أرضـــ زايد
عدد الـــنقــــــاط : 204
.((فارس احلامي))قصة حب في منتهى الروعة

((فارس احلامي))قصة حب في منتهى الروعة


لقد نقلت لكم هذه القصة التي اعجبتني

و كاتبتها هي ليدي

و هي طبعا على شكل اجزاك

اتنمى انها تنال اعجابكم




*عايلة بوعلي:-

_بوعلي((خليفة)): ريال للحين في عز شبابه عمره ياعني 39سنة،حكيم،كريم وايد على ولده الوحيد علي الي الله ما عطاه غيره، يشتغل رجل اعمال دوم يكون في السفر بس ما يقصر على زوجته الي عاش معاها احلى قصة حب وما يقصر على ولده بعد و كل املاكه بعد موته مكتوبة على اسم ولده علي.

_ام علي((لطيفة)): ام علي اسم على مسمى لطيفة في غاية اللطف بس هي تيي من عائلة فقيرة بس اللحين تعوضت على كل شي فاتها في طفولتها بس هي للحين شابة تقريباً يعني عمرها بين 35و36 >>>> تعرفون النسوان دلوعات ما يقلن عمرهم الله يعينهم.

_علي:علي ماشاءالله عليه وسيم وجميل فارس احلام كل بنات العالم شعره طويل تقريباً مقصص تدريجي بطبيعته جذي لون شعره اسود غامق يليق مع لون عينه البنية بس تميل للأسود طويل وله جسم يتمناه كل الشباب ويحسدونه عليه والبنات كله يتهبلن من جماله الصراحة ما الومهم بس علي البنات مو جزء مهم في حياته ولايهمه سوالف البنات ولا غيرهم بالرغم من كل الاغراءات الي يحصلهن وعمره 19سنة وهو سنة ثانية جامعة.



*عايلة بوخالد:

_بوخالد((أحمد)):ريال تقريباً كبير في العمر بس مو اكثر من 42 سنة يعني مو شايب، بوخالد ريال ناجح في حياته وهو صاحب الكلمة في البيت محد يقدر يسوي شي من غير رضاه ومحترم والناس كلها تحترمه، ميسور الحال يعني الحمدالله ما عليه قصور يشتغل اعمال حرة وبعد هو و بوعلي بيفتحون شركة كبيرة شراكة نص نص هم للحين ما يعرفون بعض زين يعني علاقتهم سطحية وانشاءالله تتطور مع الايام...

_ام خالد متوفية من سنة تقريباً وفاة عادية.

_خالد:اكبر عيال بوخالد عمره تقريباً 22 سنة مو اكبر بس مسؤول وطول حياته معتمد على حاله من ما هو صغير يحب اخوانه وهو ريال البيت بعد ابوه، وهو طويل مثل طول علي وشوي اطول وهو اصلاً رفيج قريب من علي من اقرب اصدقائه ولما عرف عن شراكة ابوه بابوهم استانس وايد وخالد وسيم وايد بس مب مثل وسامة وجمال علي لأن علي ملك جمال ما يقارنه احد بطوله ولا عرضه.

_ناصر:اخو خالد عمره 19سنة مثل عمر علي بس هو ما يعرفه كلش بينه وبينه بس سلام ومع السلامة فيعني ما يعرفون بعض فما قرروا يترافجون ناصر اصغر من علي بشهرين وجم اسبوع وهو من وسيم مثل علي ولا اخوه مسكين شكله خريش بس طيب وحنون بشكل وتوه قبل شهرين خاطب ومزاجه هالأيام عالي العال اذا تقعد يمة هالايام ما تقدر تودر السوالف وتقوم لان مزاجه حفلة الصراحة. وناصر يحب اخته بشكل ما تتخيلونه بنتكلم عنه بعدين.

_حنان: ملكة جمال عمرها 20سنة متزوجة وعندها بنت اسمها اسماء عمرها 8 اشهر وزوج حنان عمره 26سنة يعيش وياها في بيت خاص يتيم و اسمه عبدالله.

منال:ملكة جمال شابة وحلوة اصغر من حنان اختها بس احلى منها بوايد حتى اخوانها احياناً ينسون ان هي اختهم ويقعدون يتغزلون فيها وهي تنحرج، جسمها جسم متوسط لا ضعيفة عصاية ولا دبة الوسط بس تميل للضعق بيضة ،شعرها السود والبني و الكستنائي الحريري كل خصلة بلةن وشكلها هالبنت روعة متحجبة طبعاً بس حتى وهي متسترة او لابسة جيس خمام تبين ملكة جمال وهي خشمها ضغير مثل اليهال نحيف ومستقيم وعيونها مرسومة على طول حواجبها وشفايفها وردية المملوءة الجميلة الهادية وصوتها الناعم الرقيق، تحطين كل هاي مع بعض تحصلين على جميلة بمعني الكلمة عمرها 18سنة،اةلى سنة جامعة.

_مريم:اخر العنقود عمرها 6سنوات تحب تطول لسانها على الناس والكل يسمونها ام لسانين ووهي مصدر فرحة امها و ابوها واخوانها بس هي دليعة بشكل ومصلحجية وشعرها قصير يوصل على اذونها تحب حركات الصبيان وكله تبي ترافجهم ةابوها يضحك عليها.



*الجزء الاول:

تنزل منال من الدري والبتسامة شاقة ويها وتروح بتهور وتضرب علي على كتفه وتقول فديتك لا تزعل عبالها اخوها خالد اللي نزل من غرفتها مضايق من رمسة منال مع ناصر لما كانوا يتكلمون عن كيف ناصر خطب قبل اخوه خالد وتتفاجأ منال لما تشوف علي يلف وعلى ويها كانت علامة استفهام وقال:نعم.

بس لما شاف منال راحت علامة الستفهام يت مكانها علامة اعجاب وقعد يبحلق عيونه فيها كانت لابسة برمودا جينز مع قميص كت اسود عليه حركات وشعرها كانت رافعته بكلب زكله خصل نازلة منها اما عن منال فكانت لا في عالم ثاني هي الثانية تبحلق فيه مستغربة من هاي الولد هاي آدمي ولا ملاك مرة وحدة انتبهت لي وقفتها مهاه وصارخت عيييييب داخل عقلها وويها صار مثل الطماط وركضت فوق وعلي كان يضحك عليها.

طلع خالد من الميلس:شفيك توزع ابتسامات.

علي لنتبه له:هااه آآه ولاشي بس ياله يا معود شفيك صيفت ترى الربع ينطرونا.

خالد:أي ياله توكلنا اركب لا بارك الله فيك كلا تضيع البنات من ايدي.

علي:هاهاهاهاهي الحين اشدخل البنات في سوالفنا.

خالد:كله شي حبيبي هاي بنات مو أي لعبة

علي:عيل اذا مو لعبة عيل جان قلت بنت مو بنات

خالد:اوهووووووو بدى الاخ الفيلسوف بالكلام اتصدق البنات حطهم حقك اوكي.

علي:اصلاً بذمتك في مرة شفتني عبرت بنية ولا غازلتها ولا رقمتها اصلا انا ما احب البنات يا ابوي انا مودرهم من اول يوم شميت الهوى فيه غير امي طبعا فديتها.

خاد:االحمدالله والشكر ضج غبي احد اشوف بنات معبرينه ولا يكلمهم انت الصراحة مخبل البنات كلهم يتمنونك بس انت والله حالة الصراحة طحت من عيني.

علي :المهم ما تعورت في الطيحة.
__________________
:330758qfdri2l x39:
خالد:اقول خلاص خلى نصك السالفة احسن.
علي:أي صح متعشي.
خالد:انا مو متغدي ولا نتعشي.
علي:خلاص ولا تحاتي بنروح ارقى مطعم ولا على حسلبي:الله لا يحرمني منك.
علي:ومنك.
ناصر:تراني نايم في السيت الوراني اها الدرجة مو معبريني وحتي لو نايم تراني اسمع.
خالد:انزين اسمع شنو فيها يعني.
ناصر:الراحة تتكلمو جنكم متزوجين يقول وهو يسوي صوت انثوي((انا مو متغدي ولا نتعشي، خلاص ولا تحاتي بنروح ارقى مطعم ولا على حسلبي:الله لا يحرمني منك، ومنك.)) هاهاها.
علي:هاهاها حرام عليك.
ناصر:لا والله جنة خالد الحروم وعلي الريال بس المهم بغيت اقول قبل الكل مبروك مقدماً.
علي بغباء:الله يبارك فيك بس على شنو؟
ناصر:على زواجكم.
خالد:آآآه يالخايس روح روح الله يروحك.
ناصر:هي تدعي علي انت.
خالد:احترموني تراني اكبر منكم زين مني اقابلكم مع هالحركات.علي:اقول خالد.
خالد:قوول.
علي:انت عندك جم اخت بالضبط؟
خالد:اهم ثلاثة ليش.
علي:لا بس،شنو اسمهم.
خالد:حنان وبعدها منال وعقب مريموو الهبلة.
علي:اهاززحنان المتزجة من عبدالله ربيع ولد خالتي.
خالد:أي
علي:حنان يعني اكبر وحدة.
خالد:من البنات أي.
علي:حنان حلوة؟
خالد:أي.
علي:احلى وحدة.
خالد:لا بس ممكن اعرف سبب كل هالأسئلة؟
علي:مافي سبب بس حرام اسأل.
خالد:لا موحرام بس يعني اول مرة تسأل عن اهلي بهلطريقة.
علي:لا بس خاطري اعرف عن اهلك اكثر.
خالد:اوكي.
علي: انزين انت قلت لا مين يعني احلى منها؟
خالد:منال.
علي:وجم عمرها؟
خالد:اظن 18سنة ها نصور جم عمرها منال؟
ناصر:....
خالد:اقول جنة نام.
علي:أي شكله تعبان المهم منال هي متحجبة ولا لا؟
خالد:شلون هالسؤال يعني.
علي:هاه لابس هي نزلت تحت او يمكن وحدة من خواتك وضربتني على كتفي لأني كنت عاطنها ظهري وقالت فديتك لا تزعل فالتفت وابتسمت وسرح فيها مرة ثانية وهو يتذكر الموقف.
خالد:اوهوو شفيك.
علي:.....خالد وهو يصارخ:عليييييييييي.
علي:هاه شنو صار.
خالد:انت شفيك سرحت اقول خلص السالفة.
علي:بس التفت وكانت مو متحجبة فأحمرت وركضت وراحت فوق بس.
خالد:وانا اقول ليش كلهل السئلة اقوول شكانت لابسة.
علي:ها تبني اقول؟
خالد:اكييد عشان اعرف منو.
علي:ليش شنو بتسوي.
خالد:ولاشي شنو وحش انا بس بلعب في اعصابها انزين قول شكلها.
علي يقول في قلبه شنو اقولك شفت حورية قدامي ماشاء الله ملاك زاذا اختك اكييد اخلاق ياربي شقاعد افكر فيه اخاف اختك ذي بس شكلها كان ياهل مو حرمة عثرها ياهل بس حنان بعد بهدها ياهل اوهووو شهل افكار اصلا انا ما حب البنات.
خالد:اوهوو وين رحت.
علي:هاه... ولا مكان المهم كانت لابسة برمودا و....
خالد:وقف خلاص هاي منال لأن حنان كانت اليوم لابسة جلابية وهي كانت مع بنتها اسماء في غرفتها القديمة اليوم ومنال قالت فديتك لا تزعل عشان رمستها هي وناصر قبل ما انزل اشوفك.
علي:ليش عن شنو الرمسة؟
خالد:هيي بلاك جذي صرت خبل شكو انت كل دقيقة سؤال اكييد اختي خذت عقلك ما عليه حلوة حتى انا انسى عمري احيانا واغازلها واتصير طماط بعد لا يفوتك.
علي:هاهاهاهاهاي أي مو بس حلوة ملكة جمال وقمر.
خالد:بس جب جب جب ما اسمح لك تتكلم عن اختي جذي.
علي:خلاص السموحة اخوي.
خالد:مسموح مسموح انزين مو كأن طولنا؟
علي:أي خلاص وصلنا المطعط.
خالد:يلا توكلنا قووم ناصر قووم لا بارك الله فيك.
ناصر:وفيك.
علي:يلا طلعوا عن الطق ما فيني على الصدعة.
خالد:اوكي يا الله.
اما اللحين خلا نروح حق منال اللي من اول ما صار وياها الموقف راحت غرفتها وانسدحت علي شبيرتها وهي تقول في قلبها آآآخ فديتك تينن جمال والله وسيم وجميل واظن هاذي علي لا متأكدة خالد كله يتكلم عت جماله ةاخلاقه بس ما توقعت لهالدرجة شكله بالضبط كفارس احلامي والصراحة بطريقة ما وصخ خالد عدل اخلاق علي احسن كريم وجميل وهادىء وحنون وغني وطيب وذكي ومطيع زايمانه بالله قوي شنو احد يبي اكثر من جذي آآخ يا قلبي ابداً ما توقعت اني القيك يا فارس احلامي ابداً تخيلتك حلم وشخص خيالي بس اللحين عرفت انك حقيقة بس لو حقي خلاص القصة بتكتمل بس انا سالأفكار اللحين بهد كل بنات العالم ويشوفنث يعني شمعنة ما اظن وخالد دوم قال ان هو ما يحب البنات وسوالفهم وابداً ما يفكر بالزواج يعني شمعنة انا بكون بالنسبة له غير اوهو يعني ليش انا كله متشائمة خلة اصير متفائلة آآخ يا امي ليش من بعد موتج صرت ما اقدر اصير متفائلة في أي شي في الحياة آه آه يا قلبي الله كريم وانا لله وانا اليه راجعون في النهاية بس اتمنيت ان اني ما تروح وفكرت في كل هاي ويعدين غلبها النوم....



تكملة الجزء الاول ها شنو رايكم بالقصة قولو توقعاتكم عشان احط لكم الجزء الثاني..

شو رايكم بالقصة؟؟؟؟؟



كلمات البحث

اخبار البحرين - صور سيارات 2013 - واتس اب ايفون - نمبر بوك شرح - مسنجر - قصص حقيقية - تفسير احلام - مطبخ - اثاث - مسجات - اخبار حافز





>((thvs hpghld))rwm pf td lkjin hgv,um

من مواضيع المسكـ لوني في المنتدى

رد مع اقتباس
قديم 06-13-2008, 06:53 PM   رقم المشاركة : ( 2 )

الصورة الرمزية اميرة المشاعر

الملف الشخصي
رقــم العضويـــة : 35995
تـاريخ التسجيـل : Jan 2008
عدد المشاركات : 409
الــــــــجنــــــس :
الـــــدولـــــــــــة : في حجرتيي بين الهموم
عدد الـــنقــــــاط : 22

اميرة المشاعر غير متصل

افتراضي

حطي الجزء الثاني حلوة القصه
من مواضيع اميرة المشاعر في المنتدى

  رد مع اقتباس
قديم 06-23-2008, 11:43 PM   رقم المشاركة : ( 3 )

الصورة الرمزية ѕнŌ’σḏч </3

الملف الشخصي
رقــم العضويـــة : 62249
تـاريخ التسجيـل : Jun 2008
عدد المشاركات : 552
الــــــــجنــــــس : شــابة
الـــــدولـــــــــــة : الأماكـنـ كلها .. مشتاقهـ لكـ .. !!
عدد الـــنقــــــاط : 22

ѕнŌ’σḏч </3 غير متصل

افتراضي

والله القصة روووووووووووعة
ننتظر بفارغ الصبر
من مواضيع ѕнŌ’σḏч </3 في المنتدى

  رد مع اقتباس
قديم 06-24-2008, 10:49 AM   رقم المشاركة : ( 4 )

الصورة الرمزية ѕнŌ’σḏч </3

الملف الشخصي
رقــم العضويـــة : 62249
تـاريخ التسجيـل : Jun 2008
عدد المشاركات : 552
الــــــــجنــــــس : شــابة
الـــــدولـــــــــــة : الأماكـنـ كلها .. مشتاقهـ لكـ .. !!
عدد الـــنقــــــاط : 22

ѕнŌ’σḏч </3 غير متصل

افتراضي

اختييييييييييييييييييييييييييييييييييييييييييييييي ي وين القصة
من مواضيع ѕнŌ’σḏч </3 في المنتدى

  رد مع اقتباس
قديم 06-24-2008, 12:09 PM   رقم المشاركة : ( 5 )

الصورة الرمزية ѕнŌ’σḏч </3

الملف الشخصي
رقــم العضويـــة : 62249
تـاريخ التسجيـل : Jun 2008
عدد المشاركات : 552
الــــــــجنــــــس : شــابة
الـــــدولـــــــــــة : الأماكـنـ كلها .. مشتاقهـ لكـ .. !!
عدد الـــنقــــــاط : 22

ѕнŌ’σḏч </3 غير متصل

افتراضي

تعبببببت وانا انتظر
من مواضيع ѕнŌ’σḏч </3 في المنتدى

  رد مع اقتباس
قديم 06-24-2008, 12:12 PM   رقم المشاركة : ( 6 )

الصورة الرمزية ѕнŌ’σḏч </3

الملف الشخصي
رقــم العضويـــة : 62249
تـاريخ التسجيـل : Jun 2008
عدد المشاركات : 552
الــــــــجنــــــس : شــابة
الـــــدولـــــــــــة : الأماكـنـ كلها .. مشتاقهـ لكـ .. !!
عدد الـــنقــــــاط : 22

ѕнŌ’σḏч </3 غير متصل

افتراضي

وهذي التكملة
وسوووري يعني بس انا جفتج مشغووولة قلت اساعدج شوووي




الجزء الثاني

بعد ثلاثة ايام..............

علي رجع من برع و خالد وصل علي بيته بعدين خالد راح بيتهم اما عن علي فاول ما وصل ركب اللفت الموجود في بيتهم طبعا علي و عائلته عندهم اكثر من 10 بيوت و كل بيت افخم من الثاني و خمسة منهم قصور يعني باختصار هم مليونيرين بس ابو علي انسان كريم و متواضع حتى علي و امه و كله يتبرعون بفلوسهم للجمعيات الخيرية و المستشفيات.....الخ يعني صج كريمين من جذي الحمدالله النعمة زايدة ... خلى نرجع لعلي اللي راح غرفته و انسدح على شبريته و قعد يفكر في منال و جمالها و اخلاقها بس بعد تفكير وايد اقنع روحه ان هاي اعجاب مو اكثر و تخطاه او يمكن بسبب ان في سن مراهقته و لا مرة اعجب في بنية فعسب جذي يقول الهرمونات يت متاخر <<<<< هاهاهاهاهاي دكتور الاخ...

مرة وحدة فتحت ام علي الباب و قالت بهدوء : شفيك يمة عسى ما شر
علي بابتسامة رقيقة : ما شر بس على شنو ؟
ام علي تتدلع: اذا ما تعرف ليش جاوبتني
علي: اوه اوه حشى الم الغالية شفيها اليوم تتدلع زوجج مو معبرج
ام علي: جب ولا كلمة عيب عليك اوووف الواحد ما يتكلم معاك ثانيا عمري ضناتي انته ليش مو متغدي ولا متعشي معانا عسى ما شر
علي:ما شر,ما شر يمة بس انتي تعرفين انا اتغديت في الشاليه مع الربع
ام علي: انت من متى بعد تروح الشاليه و ما تقول لي
علي : ليش ما عندج ثقة فيني
ام علي: بلا بس بعد يا الغالي لازم ترمس معاي و تقول لي عسب تاخذ موافقتي ولا ما تهتم
علي : السموحة يمة ما قصدت
ام علي : مسموح يا الغالي خلاص الحين اهدك عسب ترتاح
علي بابتسامة جانبية: وين رايحة
ام علي: بقعد مع ابوك
علي بمرح: اها مع الحبيب و يغمز لها
ام علي سيدة تطلع من الغرفة و ويها احمر و قالت بصوت عالي:آخر زمن..
علي فقع من الضحك على امه و اشلون ويها صار احمر و قال بصوت متقطع من الضحك:حشى خلاص كبرت و بعدها تستحي و ضحك على امه صج لطيفة و حنونة بشكل و بعدين نام فسابع نومه من التعب اللي كان مسيطر عليه..

اما بالنسبة لبيت بو خالد...كانوا متجمعين على العشى لانهم يتعشون متاخر..........

ابو خالد : اقووول خالد اليوم وين رحت
خالد : الشاليه بس مع علي و جاسم و حسن و ابراهيم
منال: كل هاي و تقول بس
خالد : حركاتي
ناصر : اقووول أي جاسم اخو خطيبتي
خالد : أي
ناصر : اوهووو جسوم ليش ما قال لي
خالد : كيفه ثانيا انت ليش اتي لازم تركز على دراستك في الجامعة
ناصر: تراني مخطوب مالك حق تتحكم فيني
خالد: هاهاهاهاهاهاهاي
ناصر: شفيك تضحك انا قلت شي يضحك
منال: نصور يقولون خاطب مو مخطوب هههههههههه
ناصر: منول ما يقولون نصور مو اصغر عيالج انا
منال : اوكي انا الغلطانة سامحني
ناصر : بس عادي يا بعد قلبي اختي الحبيبة العزيزة
خالد قاطعه : بس عاد حشى تكتب رسالة ما تعرف اختك ويها لوح استعراض للون الاحمر
منال : اوهووو شنو دعاية
ابو خالد: حشى ما تحشموني
ناصر : سوري يبه
منال: أي يبه انت الغالي فديتك
ابو خالد: بنتي حبيبتي اصيلة
منال : مشكور يبه, ايي صح وين حنان
خالد : رجعت بيتهم مسكين واللله زوجها يتيم
منال : ايي واللله المهم اللحين عنده حنان و اسماء
ابو خالد : الله يخليهم لبعض
خالد: آمين يا رب العالمين
ناصر : الا اقوول باجر ما بتطلع مع علي
خالد: لا
ناصر: ليش
خالد: علي وايد يحب امه و باجر عيد المهات فيبي يسوي حق امه مفاجاة
منال قعدت تدمع و هي تسمعهم ااه يا قلبي امي وينج جان اعطيج احلى مفاجاة و هدية بس ابيج تكونين هني منال ما استحملت انفرجت من الصياح و ركضت فوق غرفتها و لا سمعتهم و هم يزقرونها

ابو خالد بعصبية : الله يهديك يا ولدي كان لازم تقول جدامها
خالد: سامحني يبه و الله نسيت
ابو خالد : لا حول ولا قوة الا بالله
خالد : وين ناصر
ابو خالد : تعرف اخوك يموت على اختك اكييد ركض وراها
خالد: ايي يبه انا استئذن اشووف منال
ابو خالد: اذنك معاك

اما في غرفة منال ناصر قاعد يهدي منال يحاول يواسيها بس مو قادر
ناصر: الله يهديج بدال ما تدعين لها بالخير قاعدة تصيحين قومي اقري قران و صلي عسب تهدين شوي
منال: انشالله
قامت منال تيددت و قعدت تصلي و في هاي الوقت خالد كان يطق على الباب بهدوء
ناصر: تفضل
خالد: زاد فضلك
خالد: وين منال
ناصر اشر على الارض: ىاكاهي تصلي
خالد: اوكي ناصرهدني شوي معاها
ناصر: انشالله
و بعد ما خلصت منال الصلاة.........
خالد: تقبل الله
منال: منا و منكم صالح الاعمال
خالد: منال فديتج لا تصيحين على اماية بالعكس ادعي لها بالخير
منال ما استحملت قعدت تصيح و ركضت لحضن اخوها الدافي ولا هدته
خالد بمرح: بس خلاص قومي ترى زوجتي بتغار
منال باستغراب: هاه ايي زوجة لا يكون سويتها و تزوجت من ورانا
خالد: هاه اقوول قلبي ويهج اللحين انا بسوي جذي
منال : الحمدالله انت ما تصلح الا لرفيجتي الريم
خالد: ليش هي قالت شيي عني
منال: اووه لا تصدق امزح معاك عاد ما باقي الا انت تزوجتك
خالد حس ببوزه متضايجيعني ليش شو ناقصني
ريم رفيجة منال روح بالروح خالد جاوفوها خمس مرات بس و صورتها ما تروح عن باله معجب الاخ
خالد: انزين تعالي انتي ليش قدام الصبيان بدون شيلتج و عباتج ما تستحين<<<<اون يبي يغير الموضوع او يقرها مثل ما قهرته
منال : هاه أي صبيان
خالد: اشوفج ما تذكرين لا يكون علي مو صبي
منال ارتجفت و خافت و زل لسانها و قالت : قال لك و عضت لسانها و قالت شالجواب
خالد : هاه طلع لج لسان ما تستحين
منال بدفاع: اصلا انا بالغلط نزلت و نيتي زينة بغيت اراضيك
خالد: انا بسامحج بس هاه ثاني مرة بزوجج اياه عشان ما يصير حرام
منال: فوول و الله اااخ زل لساني مرة ثانية بقصه هالسان د
خالد بابتسامة خبث: شفيج مو مصدقة
منال: هكييد ايي لاني ما بي
خالد: هاهاهاهاهاي يبين
و طلع من الغرفة ومنال ويها كان احمر و قالت بصوت عالي غبية و الله غبية

اما في الصالة رن التيلفون و خالد كان نازل من الدري فشال التيلفون
و جاوب بدون نفس: الوووو
ريم ارتجفت: السلام عليك
خالد نقز من مكانه اااخ من الصوت العذب: و عليكم السلام هلا و الله شحالج يالريم
ريم: بخير و سهاله انت شلونك
خالد: خير بسماع صوتج
رقص قلب الريم بس تثيقلت:اقوول خالد منال موجودة
خالد : لا بس الطباخة موجودة تبينها
ريم: اوهوو روح اقلب ويهك و عطني منال
خالد: اوه اوه اوص تراني ريال
ريم بزلة لسان: و النعم , اوهوو شنو و النعم انا كل ما اتصل لازم ويهي يصير طماط خايس
خالد و هو شاق ويهه : دقيقة
خالد: منالووو ردي ريم عليى التيلفون
منال: اوكي اكاني ييت , يت منال و اخذت التلفون و قعدت تسولف معاها
خالد قال في روحه يا حضها بروح انام ابرك لي افف............

الجزء الثالث...............



خالد كان قاعد في الصالة مع ناصر و مزاجه كان فن حدة مرتبش لان اليوم ملجته من بنت خالته الاء ...الاء بنية ناعمة مو ذاك الزود حلوة بس نعومتها و انوثتها شي يجذب أي انسان المهم عيال بو خالد ما عندهم الا هاذي الخالة الا حاولت تعوضهم حنان الام اللي فقدوه بس ما قدرت المهم خالتهم (عايشة) ام فيصل عندها ولدين واحد اسمى فيصل عمره 25 و ولد اسمى جاسم عمره 20 بعدين الاء 18 ناصر كان يحب الاء من سنتين و محد كان يعرف لان ناصر من النوع اللي ما يطلعون مشاعرهم لاحد ناصر رفيج جاسم روح بالروح بس ما قال له لان الاء اخته المهم ناصر اللحين كان قاعد يفكر ان بعد ثلاث ساعات الاء بتصير زوجته قلبه كان يرقص من الفرحة...



خالد شاف ناصر سرحان: ناصر

ناصر:................

خالد بصوت عالي : ناصرووو

ناصر: هاه اشفيك

خالد : انت اشفيك

ناصر: بس مستانس لان ما بقى شي و بصير زوج و عندي حرمه

خالد: الله يسعدكم و مبروك مقدما

ناصر: الله يبارمك في حياتك

و بعدين خالد رجع يشوف تلفزون..

ناصر: خالد

خالد: لبيه

ناصر: بسال سوال بس جاوبني بصراحة

خالد: قوول

ناصر: انت مو زعلان لاني بزوج فبلك

خالد: هههههههههههه اكييد لا شنو بلاك هاي تفكير اول و خالد اذكر الريم و ابتسم و قال: لاحقك

ناصر بابتسامه خبث في وحدة معينة

خالد: هاه

ناصر: يعني حاط وحدة في بالك

خالد: هي

ناصر استوى في قعدته : منو

خالد انتبه ان هو ما قال لاحد غير علي و هو ما يبي يقول لاحد ثاني:ما عندي كنت امزح وياك ابي اشوف ردة فعلك

ناصر حس ببوزه: خفيف

خالد: اسوي رجيم

ناصر: هاهاهاي بايخ

خالد: اقووول اقلب ويهك انا شنو يا لي اعابل يهالووو

ناصر: هييي اليوم ملجتي لازم ترفع معنوياتي مو اطنشني.

خالد: قووم شوف الاخت توزع ابتسامات..

ناصر يصد يشوف منال و الفرحة المرتسمة على ويها و يقوول: اشفييج

منال:ماشي حرام افرح لاخويه

ناصر : هاه اذا السالفة جذي مشكورة حياتي منال

خالد: لا لا السالفة اكبر من جذي قولي الصج

منال بابتسامة رقيقة : اولا اخوي ابي افرح له ثانيا ما بكون البنت الوحيدة في البيت لان مريموو مب بنت و الاء بتي فبتعرف عليها اكثر لانها بنت خالتي و انا ما اعرفها عدل..

ناصر : انزين منالوو انا بيييب الاء البيت حقي هب عشان اتعابلج..

منال فاتحة عينها على وسعهم : اهي للحين ما يات و اتبريت عني

ناصر : هههههه لا حشى ما عاش من يتبرى عنج

في هاي اللحظة رن تلفون خالد .. فخالد شل التلفون..

خالد : مرحباا بالساع هلا و الله

علي : هلا بالرش و الطش شحالك

خالد : الحمدلله انت شلونك..

علي : هههههههههه ابيض ... وينك اليوم ما اتصلت عسب نروح المول

خالد: شنووو ياك فقدان الذاكرة نسيت اليوم ملجة ناصر

علي : اوه راح عن بالي

خالد: لييش لا يكون ما بتي

علي : أي ما بيي انا شكو ايي

خالد فتح عيونه : كيفك يالا قووم لا بارك الله فيك انت من الاهل

علي :اعصابك انزين , تبيني اشلك وياي

خالد : هي سيارتي عند ابوي اللي راح اتجدم عند العرب و ناصر سيارته في الكراج يالله تعال ما احنا ما عندنا احد..

علي : مين احنا

خالد : انت تعال اول ثانيا لا تخاف بس انا و ناصر و منال و مريم ما بتي نامت بيت رفيجتها

علي منال و سرح في منال ..

خالد : هووو تعال يالله ناطرينك

علي انتبه :اوكي ربع ساعة و بكون عندك

خالد: اوكي لا تطول

علي : مع السلامة

خالد: في حفظ الرحمن



خالد شاف منال من فوق لتحت : اش تنطرين بسرعة روحي بدلي هدومج..

منال : اوكي بسيارة مين

خالد : اللحين انتي شكو بسيارة ميين المهم توصلين

منال : انزين انزين لا تعصب ما يسوى علي

خالد : مو معصب بس لا تطولين

منال : اوكي





منال لبست فساتنها الاسود الواصل للركبة و الفستان بدون اكتاف و لبست فوقه شال و شعرها مسويته استشوار و مكحلة عيونها بالجحال الغامج و حطت لامع على شفايفها و شويه شادوو و بلاشر و تعطرت و شكلها كان جنان و لبست بوتها الاسود و ركضت على الدري و قالت : ترارارا >>>اون تراويهم شكلها



انصدمت منال و شهقت بصوت عالي و علي كان يبحلق فيها و نسى اخوها و فتح حلجه اون مو مصدق عمره و ما قدر يخوز نظره عنها حاول بس ما قدر اما عن خالد اللى اول ما سمع شهقة منال صد صوبها و انصدم لما شافها مو متحجبة منال انتبهت و ركضت مثل اليهال للميلس

و هناك تحجبت و كانت خايفة ان تتطلع بس استسلمت و طلعت و الخوف ياكلها .............
.
من مواضيع ѕнŌ’σḏч </3 في المنتدى

  رد مع اقتباس
قديم 06-24-2008, 12:25 PM   رقم المشاركة : ( 7 )

الصورة الرمزية ѕнŌ’σḏч </3

الملف الشخصي
رقــم العضويـــة : 62249
تـاريخ التسجيـل : Jun 2008
عدد المشاركات : 552
الــــــــجنــــــس : شــابة
الـــــدولـــــــــــة : الأماكـنـ كلها .. مشتاقهـ لكـ .. !!
عدد الـــنقــــــاط : 22

ѕнŌ’σḏч </3 غير متصل

افتراضي

تكملة الجزء الثااااااااااااالث





منال طول الطريج حق السيارة و هي خايفة من نظرات خالد المعصبة و مستحية من نظرات علي اللي ما خوز عينه عنها و من نظرات ناصر اللي الشرار يطير منها بسبب التاخر دشت منال السيارة و ويها مملوءة من الاحاسيس .... خالد ما صبر و تكلم بهجوم : منالووو


منال و هي تبلع ريجه ,ناصر حس فيها بس ما يقدر يتكلم لان خالد اكبر منه و اللي منال سوته غلط ,منال بصوت اشبه بالهمس : نعم

خالد :شلون جذي تنزلين حشى ما عندج حشمة بس انا اراويج اذا ردينا البيت .

علي : صل على النبي اصلا انا ما جفت شي و بتخيل الموقف ما صار و هي ما قصدت يا خالد.

خالد: حتى لو ما يصير يا علي ما يصير عييب

علي : بس انت انسى

خالد : شنو انسى , انا براويها في البيت

علي التفت للمنظرة و شاف منال تصيح بدون صوت و تحاول تخش ويها بيدينها فكسرت خاطره و قال : و غلاتي عندك كرفيج العمر لا تفتح معاها الموضوع و الله العظيم اذا عرفت انك كلمتها في الموضوع ما بكلمك فحياتي

خالد : خلاص بس و الله العظيم يا منال هاي اخر مرة

منال بصوت متقطع من الصياح : سامحني خالد اخر مرة

خالد : سامحتج بس فديتج لا تصيحين

منال : اوكي

علي كان يستمتع بصوت منال الرقيق و مستانس على اللي سواه



وصلوا بيت خالتهم و طلعوا من السيارة و خالد مشى مع ناصر و علي صوب ميلس الرياييل بس صوت منال وقفه : خالد

خالد صد له : لبيه

منال ركضت و لوت على خالد و صاحت في حظنه الدافى خالد كان متفشل من العرب اللي وقفوا و هم يشوفون منال حاظنة اخوها العود و تصيح جنها ياهل اما عن علي فتاثر للموقف و تمنى تكون عنده اخت مثل منال اما بالنسبة لناصر راح لخالد و منال و قال : اقووول اليوم ملجتي لا تقلبونها مناحة يالله يا باس نفرقش

ناصر قال الجمله الخيرة بصوت عالي و هو يرقص

منال ضحكت على خبال اخوها : هههههههههههههههه

اما بالنسبة لعلي و خالد فقعوا من الضحك

ناصر يطالعهم بجدية و يقوول : انا قلت شي يضحك

علي : لا ما رقصت مثل الخبلان و صارخت بصوت عالي هههههههههههههه

ناصر : مالت عليكم اروح اشوف حرمتي احسن لي من وقفتنا في الشارع

خالد : دقيقة

خالد دل منال على صالة الحريم و راح مع علي و ناصر لصالة الرياييل





منال دشت صالة الحريم و اول ما شافت الريم راحت لها و هي مبتسمة و قالت : هلا و الله شحالج حبيبتي الريم

ريم : وع مالت عليج شنو هديتيني هني ساعة بروحج قلتي انج بتكونين اهني ساعة ثمان

منال : شسوي خالد ابوي اخذ سيارته و ناصر سيارته في الكراج فعسب جذي علي يابنا و ابتسمت منال ابتسامة واسعة و هي تتذكر شلون علي دافع عنها .....

ريم : قوولي جذي اشتغلت مع فارس الاحلام اقوووووول خلصي

منال : شنو اخلص

ريم : السالفة

منال : ايي سالفة

ريم : سالفة خلوووود

منال : هيييييي انا اعرف انج تحبيين اخوي بس اغار

ريم : اكييييد اتغارين كالهالوسامة و الاخلاق و الصوت الحنون و ما تغارين

منال : هييييييي ترى على احسن من خالد في كل شي

ريم : انت تقولين جي لانه يشبه فارس احلامج

منال : انزين فارس احلامي ينن

ريم : فيه و لا فيج الينون

منال : لا فيج اخر زمن تدعين علي فديته و الله

ريم : زعلت

منال : امزح وياج قوميي نروح نفرفش الاء

ريم: أي و لله شكلها زايغة

منال : هههههههههههه اخوي ما بياكلها

ريم : يمكن الاء وايد حلوة اليوم

منال : مالت عليييج

ريم : ههههههههههه


من مواضيع ѕнŌ’σḏч </3 في المنتدى

  رد مع اقتباس
قديم 06-24-2008, 12:35 PM   رقم المشاركة : ( 8 )

الصورة الرمزية ѕнŌ’σḏч </3

الملف الشخصي
رقــم العضويـــة : 62249
تـاريخ التسجيـل : Jun 2008
عدد المشاركات : 552
الــــــــجنــــــس : شــابة
الـــــدولـــــــــــة : الأماكـنـ كلها .. مشتاقهـ لكـ .. !!
عدد الـــنقــــــاط : 22

ѕнŌ’σḏч </3 غير متصل

افتراضي

الجزء الرابع

اما بالنسبة لقاعة الريايل .........................
ناصر قام يشوف الشباب يولون بعدين قعد على الكرسي و كان يحرك ريولة بعصبية يبي يدش و خلاص هم عقدوا القران و يبي يدش اللحين ....

خالد راح لاخوه : ما يسوى عليك جي متوتر
ناصر : ايي متوتر انت بعد قووول مستعيل ابي ادش على حرمتي يا ناااااس
علي و خالد فقعوا من الضحك :هااهاهاهاهاها ي عرفنا صارت مرتك بس لا تاكلنا
ناصر : اوص و لا كلمة دخلوني يعني دخلوني
فيصل اخو اللاء : ادخل ادخل يا ولد الحلال عسب لا تاكلنا
ناصر وقف : قوول و الله
فيصل : ما احلف لك شنو اصغر عيالك انا المهم انا و ابوي بندخلك عليها
خالد حس ان اخوه تفشل بس ناصر رد بجراة : فيصل اشوفك اني نسيبك و احسن نسيب
فيصل رافع حاجب واحد : دش


ناصر دش داخل قعد على كرسي مقابل الاء بس هيي منزلة راسها تحت تحوس في سلسلتها اونها مشغولة

ناصر مد يده و رفع لراس الاء اللي كانت ترتجف و شوي بتصيح : لا تخافين ما بعضج
الاء : لا عادي
ناصر حابس ضحكته : يعني عادي اعضج
الاء : لا اكييد لا
ناصر : عيل اكلج
الاء : بس عاد مالي بارض اضحك
ناصر : خلاص كيفج هاج يودي و عطاها كيسة حمرة داخلها هدية و تلفون وقف و الاء وقفت معاه
الاء : ليشش عبلت على روحك
ناصر : ههههههههه عفوا
الاء : شكرا
ناصر : المهم بتصل لج اليوم او باجر كيفج
الاء : باجر لاني انا تعبانة
ناصر : تامرين امر انتضرت سنتين بنطر يوم و انشالله اتحبيني مع الايام مثل ما حبيتج و حبها على يبهتها و طلع و هدوها في صدمتها و قالت : هاه


(الاء )

راح ناصر من عندي و لا ترياني ارد على رمسته ناصر يحبني و من سنتين و انا ما حسيت لازم اعرف شنو السالفة بروح غرفتي و بتصل له
.................................................. .

راحت الاء فوق و هدت العرب عقب ما استاذنت لان ما بقى الا الناس الجراب
راحت غرفتها اتسبحت و لبست بجامة تنهدت و قعدت على السرير و اتصلت
ناصر شاف تلفونه يرن و كان على وشك ان ينام لانه تعبان و اخذ سيارة خالد اللي كانت عند ابوه و رجع البيت مع ابوه المهم ناصر كان علبالا ان المتصل واحد من الربع تنهد و قال : متفيجين

ناصر بصوت تعبان : الوووووووو
الاء : السلام عليك
ناصر انصدم : الاء
الاء : هيي
ناصر : هلا والله السلام عليج حياتي
الاء و هي مستحي : اوكي هلا ناصر
ناصر : هلا فيج
الاء : مشكور على الهدية تهبل (كانت عبارة عن طقم الماس )
ناصر : العفو الاء ليش متصلة
الاء: اذا ما تبي خلاص بسكر
ناصر : لا لا يا معودة كلشي و لا تسكرين بس انتي قلت باجر
الاء : ما استحملت
ناصر : صج
الاء : هيي
ناصر : الاء
الاء : نعم
ناصر : احبج
الاء : ....................
ناصر : الووو
الاء : انا هني
ناصر : ما جاوبتي
الاء بمرح : مشكوور
ناصر : مالت اقوول باي باي
الاء : ناصر انا ما اقدر اقوول لاني للحين ما اعرف
ناصر : مو مستعيل
الاء : انا استاذن تراني تعبانة
ناصر : اذنج معاج
الاء : باي
ناصر : نوم العوافي
الاء : تصبح على خيير
ناصر : يالله باي
الاء : باي نصور
طوووووووووووووووووووووووووووط

ناصر ابتسم : من ناصر الى نصور بعدين عمري و حياتي لاحقين نحن لاحقين

في هاي الاثناء ........................

ريم : اوهوووووووووو ما يهتمون فيني
منال و هي تقترب من الريم : منو ما يهتم لج
ريم : اهلي يقوولون انام بيتكو لان محد يقدر ياخذني و احنا بيتنا بعييد عن بتكم و عييب توصلوني و اخوي استاذن من ابوج و اخوي ما يطلع من البيت لانه مريض و اخوي الثاني مشغوول مع حرمته و عياله..................

منال قعدت تناقز من الفرحة : يس يس و انت علامج مبوزة لا يكون و حطت ايدها على خصرها ما تبين تيين
ريم : عيييييييييييييب

منال يوددت الريم و الريم كانت تدمع و منزلة راسها وين يروووحون الله يعلم ....................



منال كانت تمشي صوب خالد اللي كان يترياها بس كانت زايغة لان علي واقف يمة بس فرصة الريم تشوف علي و خالد علي و خالد كانوا يسولفون و ما انتبهوا للريم و منال ييوم حتى الريم ما انتبهت .........

منال : الحقني خالد
خالد صد صوبه و قعد يبحلق في ريم و مثل الشي لعلي بس هو يبحلق لمنال...
منال : شوف الريم
خالد اصلا كان يشوف الريم و قال بخوف : ريم اشفيج
ريم :...........
خالد خاف و يود كتفها و ضغط عليهه شفيييج زيغتيني شنو بلاج
منال قالت لهم السالفة .............

خالد و علي : هههههههههههههههههههههههههههه هاي السالفة
خالد : اقووول ريم دشيي يالله جدامي دشي ........


نهاية الفصل الاول من الجزء الرابع يا ترى شنة بصيير في السيارة و البيت ..............
من مواضيع ѕнŌ’σḏч </3 في المنتدى

  رد مع اقتباس
قديم 06-24-2008, 12:41 PM   رقم المشاركة : ( 9 )

الصورة الرمزية ѕнŌ’σḏч </3

الملف الشخصي
رقــم العضويـــة : 62249
تـاريخ التسجيـل : Jun 2008
عدد المشاركات : 552
الــــــــجنــــــس : شــابة
الـــــدولـــــــــــة : الأماكـنـ كلها .. مشتاقهـ لكـ .. !!
عدد الـــنقــــــاط : 22

ѕнŌ’σḏч </3 غير متصل

افتراضي

الجزء السادس...........




عقب ما الريم ركبت السيارة منال ضحكت على شكلها و هي تتحرطم و ضحكت منال تذوب القلب بالذات قلب علي ركبول السيارة و بعدين بدت الريم بالكلام........................



(خالد)



كنت اسمعلا الريم و هي تتكلم مع منال مرة وحدة صدت صوبنا و قالت : منو الاخ اللي قاعد يدام

انا عصبت انت شكو مالج حق بس رفيجي الخايس رد

علي : انا علي حرام ما سمعت عني و غمز لمنال بس هي ارتبكت

ريم بجراة: وايد حلو و وسيم انت يا علي عيني عليك باردة



عصبت ويهي صار احمر بغيت اسطرها بس اعرف قلبي ما يروم ايود شعرة منها بس الاخ علي مستانس و قلت من الغضب بدون حاسية

: جب و لا كلمة منو عطاج الحق تقولين جي مالج حق فاهمة......

ريم فتحت عيونها : نعم نعم و منو انت عسب تقوول جي حقي

انا قلت بدون حاسية و زل لساني شسوي يا ناس : خطيبج و زوجج المستقبلي فاهمة

ريم ويها صار احمر و قالت بصوت شبه مسموع : أي

**************

منال ابتسمت شالجراة بيناتهم جان زين بيني و بين علي جي بس مين قال هو يحس مثل اللي انا احسه

منال :عيييييب شالجراة شنو احنا من الغرب عسب تقوول جي اذا عاجبتك البنت ترى باب بيتهم يسع يمل

خالدج و هو رافع خشمه : ميين قال انا مو رايح اليوم قبل باجر انشالله

و سكر عيونه و قال : ((حلم و بيتحقق))

كلنا فقعنا من الضحك : هههههههههههههههههههههههههههه بس ريم

ريم : انشالله و ابتسموا ريم و خالد..........



(علي)

كنت اشووووف منال و الفرحة اللي ع ويها شكلها تعرف ان خالد يحب الريم ففرحت له مرة وحدة اجتمعت نضرات منال و علي و قعدوا يجوفون بعض لمدة طويلة بعدين رجعت الريم سوالفها مع منال...................

بس انا اتوترت يا ترى شنو هاي المشاعر اللي احس فيها تجاه منال .........
.
من مواضيع ѕнŌ’σḏч </3 في المنتدى

  رد مع اقتباس
قديم 06-24-2008, 12:43 PM   رقم المشاركة : ( 10 )

الصورة الرمزية ѕнŌ’σḏч </3

الملف الشخصي
رقــم العضويـــة : 62249
تـاريخ التسجيـل : Jun 2008
عدد المشاركات : 552
الــــــــجنــــــس : شــابة
الـــــدولـــــــــــة : الأماكـنـ كلها .. مشتاقهـ لكـ .. !!
عدد الـــنقــــــاط : 22

ѕнŌ’σḏч </3 غير متصل

افتراضي

( خالد)



طول الطريج و انا امشي سيارة علي بطي مستانس اني اعترفت بجزء صغير من حبي لها و هي فهمتني وويها كان احمر يعني استحت بس هاي الريم مفروض ما تسكت اجذب عليكم ما سكتت طول الطريج و هي تسولف عن بنات و عقرة عليهم و جذي و لا جنا انا و علي موجودين ,انا و علي مستانسين لان جنا احنا قاعدين نسمع راديو بنات× بنات................

عجييب بس الصراحة يعور الراس ..........



***********



خالد : بس عاد عورتوا راسنا

ريم: كيفنا يا اخي كيفنا

خالد: انتي شكو ام لسانين

ريم: زعلت خلاص

خالد صدق ان الريم زعلت: لا لا تزعليين امزح معاج انتي شيخة البنات

ريم استانست

منال : احم احم

خالد: شفيها الغالية تتحمحم

منال (مبرطمة): اذا هي شيخة البنات انا شنو؟

علي : انتي كل شي

منال انشق بوزها بس ما بينت أي شي عسب كرامتها

اما خالد شاف علي و هو معقد حوايبة و علي توتر و قال

: الصراحة منال انتي كل شي خراب

كلهم ما عدا منال و علي:هههههههههههههههههههه

علي : امزح معاج

منال و هي حايسة بوزه : جذااب

خالد: عيب منالو اصلا انتي و الريم مفروض ما تكلمون علي لانه محرم.....

علي رافع حاجب : عيل انت لا تكلم الريم انت محرم لها

خالد و الشرار يطير من عينه : و انت شكو

علي : كيفي عيل انا بعد بكلم منال و انت كلم الريم

منال و ريم مستغربين من الكلام و لاجنا هم موجودين.........بس طبعا مستانسين

خالد: هييي احترم حدودك علوي

علي : يالله يالله نزلوا خلوني مع سيارتي حبيبتي........

خالد: انزين يا اخوي لا تذلنا...........

علي : اوكيك يالله بااي

خالد: باي

ريم و منال : مع السلامة

علي :في حفظ الرحمن

خالد:c u

علي: تيك كير

منال : يالله لا تتفلسفون بالانجليزي

علي: امري يالله باي

كلهم : مع السلامة



خالد دش البيت قبلهم و سلم ع ابوه و بعدين راح حمام غرفته يتسبح
.................................................. .................................................. ...



نهاية الفصل الاول.....
من مواضيع ѕнŌ’σḏч </3 في المنتدى

  رد مع اقتباس
إضافة رد



جديد مواضيع قسم عيـ[القصص و الروايات]ـون
الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:


المواضيع المتشابهه
الموضوع كاتب الموضوع المنتدى مشاركات آخر مشاركة
اليسا : اوباما هو فارس احلامي انسانه مليانه جروح البوم صور واخبار الفنانين 6 09-24-2009 06:11 PM
قصه سعوديه جريئه بس واايد حلووه((فارس احلامي)) دمعة ألماس عيـ[القصص و الروايات]ـون 11 09-05-2008 11:35 AM
¤¤فارس احلامي ¤¤ شـيـ البنات ـخه القصص والروايات الطويلة 8 02-09-2008 02:10 PM
للبنات فقط<<اختاري من 1 ال9 وشوفي فارس احلامج شو يقول عنج.. ๏•يتيمة قلبكـ๏• قسم المواضيع المكررة والمخالفة 5 02-08-2008 03:50 AM
.....فارس احلامي... همس الحب عيـ[عـذب الـكـلام]ـون 3 02-16-2007 10:44 PM


الساعة الآن بتوقيت مملكة البحرين 07:19 AM


Powered by vBulletin® Copyright ©2000 - 2014, Jelsoft Enterprises Ltd.
SEO by vBSEO
منتديات غياهب
ادارة المنتدى تبرء ذمتها عن ما يكتب او التعارف الغير شرعي بين الجنسين ، جميع الحقوق محفوظه 2005- 2012
This Forum used Arshfny Mod by islam servant