القصص والروايات الطويلة قصص حب ورومنسيه قصص حب , قصص في الحب , قصص رومنسيه , قصص عاطفيه , قصه حبيبن , قصص غرام , قصص الحب , حب , عن الحب قصص - احلى قصص - قصص الاطفال - قصص الحب - قسم خاص بالقصص والروايات قصص رومانسيه قصص مرعبه قصص قصيره قصص طويله روايات اجنبيه روايات عربيه قصص اطفال احلا قصص احلى اروع اجمل قصص حب قصص غرام صور قصص قصه


إضافة رد
 
LinkBack أدوات الموضوع التقييم: تقييم الموضوع: 9 تصويتات, المعدل 5.00. انواع عرض الموضوع
قديم 12-03-2010, 06:47 PM   رقم المشاركة : ( 1431 )
كاتبة قصص مبدعة

الصورة الرمزية ameerah al8aser al3a

الملف الشخصي
رقــم العضويـــة : 85897
تـاريخ التسجيـل : Jun 2009
عدد المشاركات : 492
الــــــــجنــــــس : شــابة
الـــــدولـــــــــــة :
عدد الـــنقــــــاط : 52

ameerah al8aser al3a غير متصل

افتراضي

يوسف وهو حامل أغراضه وراح لجهة الباب / يا الله سااره .. لااازم نيي بااجر قبل الثمان عشاان العملية ..



سااره راحت بوست مي وبدر / يالله حبيبي .. يااايه .. مي لاتصيحين كل شي بيرجع مثل ما كان وأحسن بعد .. بدر لا تخليهاا خلك معاهاا الليلة ...



بدر عيونه على شكل مي واشلون عينهاا تعباانة وما لهاا نفس حتى تتكلم / خلاااص انا ببات معاها .. تصبحون على خير ..



ساره ويوسف مع بعض / تلاقون الخير ..



وطلعوا من المستشفى يوسف وصل ساره بيت مريم ورجع بيتهم لقى امه للحين قااعده وتنطر خبر يبرد قلبهاا رااح لها وهداهاا وهي اصرت تروح معاهم بااجر وتنطر معااهم عملية مريم ...






في المستشفى



السااعة 6:30 الصبح



أمير صحى لقى حبيبته للحين رااقده وهي المفروض الحين تصحى ناادى على الممرضات يساعدونه انه يشيل الاجهزه من عليهاا .. وبعد ما شاالوهم طلعوا من الغرفة وقعد هو يم راسها ورفعه وحطه بحضنه يبي يشبع منها ومن ريحتهاا .. ظل على هالحال أكثر من ربع سااعة يتأمل جمالهاا ويتحسس نعومة بشرتهاا ويتنفس عطر شعرهاا ..



نزل رااسهاا بهدوء وبااس جبينهاا ووقف يمهاا قرب أصابع يده بتردد وحطهم على اصابعها الضعيفة / مريم ؟؟ مريم ؟؟



مريم رموشها بدت ترجف بهدوء وعابسة بحواجبها ومنزعجة من اضاءة الغرفة .. فتحت عينهاا بالتدريج وشافته وااقف يطالعها .. غمضت عينها مرة ثاانية ورفعت يدينها وحطتهم على راسها وبنفسها / يااريته حلم .. ياريت حلم وانا مو هني ولا على هذا السرير ولا هو اللي واقف جداامي ولا صار اللي صار ..



فتحتها مرة ثانية وشافته واقف مثل ما هو وهم الدنيا كلها فوق راسه حطت راحة يدينها على السرير ورفعت رااسها تبي تقووم ..



هو شاافها جذي رفعهاا يحاول يسااعدهاا وجلس قعدتهاا بالسرير وقعد على الكرسي اللي قبالها / الحين بيي دكتور التخدير .. باقي ساعة وتدخلين العملية ..



مريم خلاااص بدى دورهاا بالجفااف والصد لفت ويهها على الجهة الثاانية ما تبي تكلمه ..



هو كان متأكد انهاا ما بتعاملة أحسن من هالمعاملة تنهد وراح وقف قبالها ونزل بجسمه لها وهو متكي على ريله الثنتين وحط يده على يدهاا بس مريم مسرع ما سحبتها ودارت بويهها عنه ..



غمض عينه بألم وزفر بحرارة وقام على طوله وقعد يمها على طرف السرير وهي دايرة ويهها عنه وكأنها منقرفة منه وما طايقة حتى تشوفه / مريم ..



مريم الدمعة متحجرة بعيونهاا مقهورة منه ما تبي تسمع حتى صوته



أمير مد أصابعه وحطهم على ذقنهاا يبي يدور ويهها له بس مريم سبقته وشالت أصاابعه عن ويهها بالقوه ..



أمير نزل راسه / زين لا تطالعيني مو لازم .. انا تعمدت انومج ما صحيتج ...



مريم ولا كأنها تسمعه عيونها على الجهة الثاانية .. أمير يأس من عنادها ورفع يده على الساعة لقااها 7:10 ودكتور التخدير للحين ما يااهم عشان يفحص مريم تنهد بملل / افففففففففففففف .. هذااا شفيييه للحين ما يه ...



مريم كانت تسمعه ومغمضة عيونها تحاول تتماسك ولامة شعرها كله على جهة وحدة وقاعدة تلعب بخصلاتهاا



أمير كان مستمتع بأناملها الناعمة وهي تلف الخصلات بهدوء .. كان يطالعها بحب وعيون فاايضة بالحناان كان وده ياخذها بحضنه ويمسك اصابعها ويبوسهم وحده ورى الثانية ويلعب بشعرها بنفسه .. بس كل شي تغير صح هي قريبة منه وهو قريب منهاا بس بنفس الوقت بعيدين عن بعض كل واحد شايل على الثااني .. هو يلوومهاا على سنين عمرهم اللي رااحت بسبب بنته وهي تحتقره على اللي سوااه في بنتهاا واشلون انتقم منهاا بطريقة قتلت الحب اللي جمع بينها وبينه ..



بعد عشر دقاايق من السكوت بين الطرفين انطق الباب ودخل الدكتور مع الممرضة ..



وأمير ابتسم ووقف يصاافحة / هلا دكتور علي ..



دكتور علي / هلا دكتور محمد .. مسامحة بس انحشرت بنص الزحمة .. تعرف شوارع البحرين من الصبح ازمة ..



أمير وعيونه على مريم وهي للحين لافه ويهها / بس هي لازم تتجهز قبل نص ساعة ..



دكتور علي / اهم شي صاايمة ؟؟



أمير هز راسه بالايجاب / اي صاايمة .. اصلا هي ما كلت شي من امس ..



دكتور علي فتح ملف مريم وراح وقف ورى طاولة الاكل وبدأ يسألها أسأله روتينية ومريم بالزور يالله ترد ..



دكتور علي دار ويهه لامير / دكتور عمليتها الاولى تعرضت لمضااعفاات .. Is exposure to complications during the operation



مريم لا شعوريا لفت وييها بسرعة وطارت عيونها عليه تشوف ردة فعله وهو تذكر اللي صار غمض عيونه بألم وبهدوء هز راسه بالايجااب / Yes suffered significant complications .. As her heart had stopped after the birth .. Everything is written in its case .. You can read .. Has suffered from severe reduction in blood pressure and heart rate ..


( نعم تعرضت لمضاعفات كبيرة .. حيث ان قلبها قد توقف بعد الولادة .. كل شي مكتوب في ملفها .. يمكنك قرائته .. فقد عانت من انخفاض شديد في ضغط الدم ودقات القلب ) ..



دكتور علي وهو يراجع ملف مريم على السريع / اممممم .. مريم ؟؟؟



مريم طالعته تنتظر منه السؤال .. وهو رفع عينه عليهاا / طبعا مستحيل تشربين كحول .. مريم جااوبي بصرااحة دخنتي من قبل ؟؟



أمير فتح عينه مصدووم يبي يجااوب بدالهاا بس هي سبقته / اي .. كنت ادخن بس الحين تركت ..



أمير من صدمته رمي بنفسه على الكرسي مو قادر يتنفس ..



مريم شافته شكثر مصدوم نزلت راسهاا ..



الدكتور كان مشغول بالكتاابة / متى تركتي ؟؟



مريم سحبت نفس طويل وعيونها على أمير وهو يطالعها بنظرات كأنه ما يعرفها / خمس سنين أو أكثر .. بصراحة ما اذكر متى بالضبط ..



دكتور علي بجدية / جم سجارة كنتي تدخنين باليوم ؟؟



مريم وعيونهاا تحت مو قادره ترفعها / ساعات علبة كاملة وأكثر بعد .. يعني على حسب ..



دكتور علي سجل كلامها بالملف وسكره وحط القلم بجيب الاب كوت ودار ويهه لامير / هذا سبب من الاسبااب اللي سببت لهاا مضااعفاات أثناء العملية وانت دكتور قلب وتعرف السموك اشلون يضر بعضلات القلب ويموت الخلايا الحيوية وخصوصا باللي مثل حالتهاا .. أكيد باور البنج كان قوي بعد .. وهي ما تحملت .. خلاص الحين النيرس بتمشي البنج بالمغذي .. والله يقومها بالسلااامة ..



أمير هز راسه بالايجااب ووصل الدكتور لبااب الغرفة وأول ما سكر البااب دار لهاا لقااها قاعده على طرف السرير ومعطته ظهرها



غمض عينه ما يبي يفقد أعصابه وتنهد بنفس طويل / ما اقدر اقوللج الا اني للحين ما عرفتج عدل يا مريم .. يعني انتي تعرفين ان قلبج ضعيف وعايشة على شريان وااحد وتسوين جذي .. انا حبيبج هه قصدي اللي كنت حبيبج مصدوم .. مو قاادر اصدق كنتي تنتحرين شوي شوي .. مو قاادر .. مو قااادر ..



طلع من غرفتها وهو لام رااسه بيدينه مو مصدق وماسك دمعته غصب ..



مريم رمت روحها مرة ثاانية على مخدتهاا وصاارت تصييح من قلب .. تصيح على كل شي .. على حبهاا اللي ضااع منهاا .. أكثر من أربع سنين ضاايع منهاا .. تصيح على بنتهاا اللي ضااعت منهاا بعد أربع سنين ..



دخلت عليهاا الممرضة ووقفت معاناتهاا .. سااعدتهاا بلبس ثيااب العملية وعطتها أول جرعة من المخدر .. مريم كانت تسمع كلامها ودمعتهاا ما نشفت وكل شوي تتلقااهاا وتمسحهاا بسرعة ..



أمير طلع من مكتبه وهو جاهز للعملية لبس لبسه الخاص السكرب الاخضر ونعال المستشفى الخاص بالعمليات وفوقه جوارب خاصة ولم شعره بغطى الراس والكمامة منزله على رقبته ولابس قفازاته الشفاف ..



وصل للجناح شااف اهلهاا واهله كلهم ملتمين حتى مي .. بدر جارهاا بالويل جير لانها ما تقدر تمشي على ريلهاا .. وأول ما شاافوه وقفوا يبون يكلمونه بس هو ما عطاهم مجال دخل الجناح بسرعة وهو يكلم نفسه / كلهم يوا عشاانج حبيبتي .. يوا يوقفون معااي ومعااج بهالمحنة .. شسوي بقلبي ياااربي اللي متعلق بقلبج يا مريم .. انصدمت فييج حبيبي اشلون تسوين جذي .. اشلون .. انا عارف انج تركتيها قبل لا تعرفيني وتحبيني يا روحي لاني مستحيل اسمحلج .. مستحيل يا قلبي .. مستحيل يا عذااب قلبي انتي .. مستحيل ..



دخل عليهم لقااهم مجهزينهاا على ترولي العملياات بعد ما عطوها الجرعة الثانية وكانت لابس اللبس الاخضر الخاص بالعملية وشعرها مغطى بالكيس الخااص وعيونهاا عليه .. كانت داايخة بس صااحية وفاتحة عينهاا .. وهو من شاافهاا ما قدر حمرت عينه اكثر وهو يسترجع المااضي .. يسترجع قصة حبهم كااامل من شاافته بحديقة بيتهم لحد ما فارقته بعد ما ولدت بنته دمعت عينه ونزل شفاته وطبع قبله طويله على جبينها ومريم غمضت عينها تتألم من داخلهاا وهي الثانية عينها دمعت .. ما قدرت تتحمل قربه منهاا ..



أمير رفع نفسه وتلقى دمعته ما كان يبيها تنزل جدام الموظفين سحب نفس قصير وبنفسه / الله يردج حبيبتي حق كل اللي يحبوونج مو بس اناا .. كل اللي تحبينهم ويحبونج ..



جروها وطلعوها بهدوء من جناح العناية وأمير يجرها معااهم وأول ما انفتح البااب واهلهم لمحوهم راحوا لهم ركض حتى مي تسندت على جتوف بدر ورفعت ريلهاا وصارت تنط بهدوء لحد ما وصلت .. أمير من شااف لهفتهم عليهاا أمر النيرسز انهم يوقفون عشان اهلها يشوفونهاا وتشوفهم ..



مي أول ما شافت أختها صااحت / مريوووم حبيبتي كلناا هني معااج .. لا تخاافين حبيبتي ..



مريم شافتهم ابتسمت بتعب / بنتي راااحت يا مي .. ليلااااه راااحت ...



سااره مدت أصابعها على شفايف مريم تسكتهاا / اصصصص .. انتي قومي بالسلااامة وكلنا بندور عليهاا وبنرجعهاا .. هذي بنتنا كلناا ..



أم أمير على الجهة الثاانية / ماما لا تخاافين بندور عليهاا هذي بنتي ما بخليهاا .. بس انتي لا تتعبين نفسج .. ابيج تردين لناا .. ليلاااه اذا ردت بتدور عليج .. تبيج .. تبي امهاا ترد لهاا .. انتي يا بنتي فارقتي ريلج اللي تحبينه وتموتين عليه عشاان تحافظين عليهاا وربيتيها بروحج .. الله بيردج لنا وبيردها لحضنج ان شاءالله ..



مريم نزلت دموعهاا / أحبكم كلكم .. كلكم .. لا تتخلون عني .. ولا عن بنتي .. بوصيكم على بنتي .. بنتي امانة امنتكم عليهاا .. اذا صاار فيني شي دوروا عليهاا وخلوهاا تربى بينكم .. بوسطكم .. لا تعطونهاا ابوهاا .. ابوهاا ما يحبهاا .. لا تقولون لهاا انه ابوهاا اخاف يأذيهااا .. بنتي بذمتكم كلكم ..



أمير ما قدر يتحمل شكلهاا وهي توصي وكأنها داخلة بريلهاا للموت .. كانت تتكلم وكأنها رايحة مو رااجعة .. نزلت دموعه بس هو تجاهلهاا حتى ما فكر يمسحهاا وجر الترولي بسرعة لحد ما وصلوا المصعد .. مريم كانت تغمض عيونهاا ما تبي تشووفه وهو عيونه عليهاا .. طلعوهاا من المصعد ودخلوها جنااح العملياات بهدوء .. أمير كان وده يهديهاا ويطمنهاا بس هو متأكد انهاا ما تبي تسمع حتى صوته ..



دخلوا الصالة اللي بيسوي لهاا العملية ومريم فتحت عينهاا .. وهو تركهاا ورااح يتعقم بالساائل الخااص ..



دورت عليه بعينهاا ما لقته وقاامت تسولف مع الدكتور المسااعد اللي كاان يبيهاا تناام عشاان يحطون الستار الحااجب بينها وبين أمير عشاان ما يشوف ويهها ولا هي تشووفه .. بس مريم للحين ما ناامت ما تدري ليش وعيونها على البااب .. أكيد تنطره بس ما تبي تقتنع بهالشي انها محتاااج تشووفه هو بعد وتودعه .. كانت تكااابر رغبتها بقوه بس مو قاادره على قلبهاا ..



أمير دخل وهو متلثم بالكمامة ونظارته الشفاف على عيونه مو مبين شي من ويهه ولابس مريله نايلون فوق ثياب العملية .. شاافها للحين فاتحة عينها ابتسم وهو ما كان له نفس يبتسم .. ومحد شااف هالابتساامة لانها متخبية تحت الكمامة .. رااح وقف يمهاا ..



مريم سالت دمعة جديدة ومدت يدهاا له وهو شهق وفتح عينه اللي طاحت على يدها .. فصخ قفاازه بسرعة وتلقى يدها بلهفته .. ما يدري ليش يوم حس بحرارة يدهاا ارتعش جسمه كاااامل ..



مريم حست فيه ابتسمت وعيونها بدت تتسكر شوي شوي / أميير ؟؟



أمير خلاص طفرت دمعته من نطقت باسمه يبي ينطق مو قاادر .. اختنق كان فااتح فمه ويحركه بس مو طالع صوته .. مو قاااادر ..



مريم استجمعت آخر قوتهاا / بنتي برقبتك انت بعد .. انت بعد يا أمير ..



اختفى صوتهاا وطاحت يدها من يده ..



حطوا الاوكسجين الاسود الخاص بالعملية على فمهاا .. وهو ما قدر يتحمل طلع مرة ثاانية بحجة يتعقم من جديد دخل الحمام واطلق سرااح دموعه ..



طلع بعد خمس دقايق لقى نفسه طبيب بغرفة العملياات حبيبته اللي كان قبل شوي ماسك يدهاا مغطية عنه ومكشوف له الجزء اللي لازم يفتحه عشاان يكمل شغل صارله أكثر من ثلاث سنين وثمان شهور موقف .. يكمل اللي بدأ فيه .. قرب منهاا أكثر وكانت الممرضة معقمه له ناحية القلب عشان يبدأ بالشق ..



هو رفع عينه على ادواته وسحب منه المشرط الحديدي وثبته عدل بيده .. كان مغمض عينه ويحاول يستجمع كل قوته وأول ما فتحها طاحت عينه على مكاان الجرح وانصدم ..



صاارت يده ترجف بقوه .. مو قااادر يثبتهااا لدرجة انه حط يده الثاانية عليهاا بس ما في فايده .. كل اللي حوله انتبهوا له اشلون يشااهق بدون صوت وعيونه مثل الجمر ويصاارع نفسه / مو قاااادر .. مو قاااااااااااادر .. ياااربي مو قاااادر ...



لحد ما طااااح المشرط على الارض بقوة ....















توقعاااتكم


؟؟؟؟؟



أمير بيقدر يسوي العملية ؟؟؟ ولا بيترااجع ؟؟


واذا سووى لها العملية مريم بتقوم ولا بتضعف حالتهاا وبتحيشهاا مضااعفات مثل المرة الاولى ؟؟؟



تتوقعون يلقوون ليلاااه ويرجعونهاا ؟؟؟



واذا مريم قاامت بالسلامة بتساامح أمير وبيرجعون لبعض ؟؟ وبتنسى اللي سوااه في بنتهاا وفيهاا ؟؟

من مواضيع ameerah al8aser al3a في المنتدى

  رد مع اقتباس
قديم 12-03-2010, 07:23 PM   رقم المشاركة : ( 1432 )

الصورة الرمزية secoOo

الملف الشخصي
رقــم العضويـــة : 112178
تـاريخ التسجيـل : Jul 2010
عدد المشاركات : 257
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 10

secoOo غير متصل

افتراضي

بل شله يسوي جدي أمير ,, يلا ان شاء الله مريوم بقوم بالسلامة

بس وويش الكلام الي دار بين امير و بدر ابي اعرفه يتني الحوومه ابي اعرف شنو هو الي خله بدر سيده يقول ليه جدي << الله يستر

ننتظرج اموره احر من الجمر لا تطولين علينه بس يومين و نزلي لنا بارت بليز

  رد مع اقتباس
قديم 12-03-2010, 07:39 PM   رقم المشاركة : ( 1433 )

الصورة الرمزية secoOo

الملف الشخصي
رقــم العضويـــة : 112178
تـاريخ التسجيـل : Jul 2010
عدد المشاركات : 257
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 10

secoOo غير متصل

افتراضي

الجزء اخر شي ماطلع ليه فمارديت عليه رديت على الي قبل ..
امير راح يقوى و اسوي لها العمليه
ومريم ماراح تحوشها مضاعفات واايد
وراح يرجعون ليلااه و يلقونها وهو الي راح ارجعها اذا قامت مريم بالسلامة و راح اعيشون احلى لحضات العمر
ويمكن مريوم ماتسامحه في البدايه بس عقب راح تسامحه يبي ليها السالفه وقت

ننتظر اموره البارت الثاني مشكووورة تسلم الايادي

  رد مع اقتباس
قديم 12-03-2010, 08:49 PM   رقم المشاركة : ( 1434 )

الصورة الرمزية غيـاث

الملف الشخصي
رقــم العضويـــة : 112459
تـاريخ التسجيـل : Aug 2010
عدد المشاركات : 329
الــــــــجنــــــس : شــابة
الـــــدولـــــــــــة : بين الواقع والخيال]~
عدد الـــنقــــــاط : 11

غيـاث غير متصل

افتراضي

بيقدر وبعيشوووون حياه سعيده بيعترف في بنته وبيحبها
من مواضيع غيـاث في المنتدى

  رد مع اقتباس
قديم 12-03-2010, 10:56 PM   رقم المشاركة : ( 1435 )

الصورة الرمزية NoOono

الملف الشخصي
رقــم العضويـــة : 111956
تـاريخ التسجيـل : Jul 2010
عدد المشاركات : 466
الــــــــجنــــــس : شــابة
الـــــدولـــــــــــة : البحرين دآر الزين
عدد الـــنقــــــاط : 108

NoOono غير متصل

افتراضي

ياربييييي البارت ماليه حــــــــــــل

اميييييييييير الطيب الحنون اللي يحب مرريم حياته وحبه احين بهالقسوووووووووووووه !!!

هذا مو اميييييير ليش جي يكااااااااااااابر ليش مايرد مثل اووووووووووووول







:(
من مواضيع NoOono في المنتدى

  رد مع اقتباس
قديم 12-03-2010, 11:23 PM   رقم المشاركة : ( 1436 )

الصورة الرمزية Miss Alo0owa

الملف الشخصي
رقــم العضويـــة : 91502
تـاريخ التسجيـل : Aug 2009
عدد المشاركات : 380
الــــــــجنــــــس : شــابة
الـــــدولـــــــــــة : فَيِ عَآلمْي آلخَاص
عدد الـــنقــــــاط : 10

Miss Alo0owa غير متصل

افتراضي

آعتقد مريم بتمووت ،، !!
واذا عاشت ،، مابترجع لامير ،،
وليلاه بيبونها ،،
لي عووده ..
من مواضيع Miss Alo0owa في المنتدى

  رد مع اقتباس
قديم 12-04-2010, 12:59 AM   رقم المشاركة : ( 1437 )

الصورة الرمزية تكفؤؤن نسؤني غلاه~~

الملف الشخصي
رقــم العضويـــة : 112880
تـاريخ التسجيـل : Oct 2010
عدد المشاركات : 78
الــــــــجنــــــس : شــابة
الـــــدولـــــــــــة : فيـ ــي آآلزهؤر
عدد الـــنقــــــاط : 10

تكفؤؤن نسؤني غلاه~~ غير متصل

افتراضي

بلآلآوي آلبآآرت
يلآلآ آنشآء الله تقوم بآلسلآلآمهـ
تتشكرــين ع آبآآآرت
نتظر آلي بعده آحر من آلجمر,,}

  رد مع اقتباس
قديم 12-04-2010, 01:08 AM   رقم المشاركة : ( 1438 )

الصورة الرمزية وردة بحارنة

الملف الشخصي
رقــم العضويـــة : 112742
تـاريخ التسجيـل : Sep 2010
عدد المشاركات : 318
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 9

وردة بحارنة غير متصل

افتراضي


البااااااارت كشخه
بصراحه امير وايد تقهرني حركاته انشاءالله راح يقدر يسوي العمليه بنجاح وبيلقوون ليلاه وبيرجعون لبعض بس في البدايه اكيد ما راح تسامحه بسهووله
من مواضيع وردة بحارنة في المنتدى

  رد مع اقتباس
قديم 12-04-2010, 01:18 AM   رقم المشاركة : ( 1439 )
عضو موقوف

الصورة الرمزية زعلتك ادري

الملف الشخصي
رقــم العضويـــة : 112433
تـاريخ التسجيـل : Aug 2010
عدد المشاركات : 708
الــــــــجنــــــس : شــابة
الـــــدولـــــــــــة : في البحرين في بيتنا وبتحديد في غرفتي
عدد الـــنقــــــاط : 155

زعلتك ادري غير متصل

افتراضي

مريم بتعيش و بيلقون ليلااه
مو واثقة انة امير اهو الي بيسوي العملية مي تو سيكووو يتني
الحومة احس روحي بنفجر اذا ماعرفت الكلام الي قالة امير لي بدر في البارت الجاي
من مواضيع زعلتك ادري في المنتدى

  رد مع اقتباس
قديم 12-04-2010, 01:44 AM   رقم المشاركة : ( 1440 )

الصورة الرمزية secoOo

الملف الشخصي
رقــم العضويـــة : 112178
تـاريخ التسجيـل : Jul 2010
عدد المشاركات : 257
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 10

secoOo غير متصل

افتراضي

اييي والله
..
ان شاء الله في البارت اله ياي فيه ابي اعرفه الف فكره صارت في بالنه
ويش رايكم خلنه نتخيل كل وحده الي قالوه و نجووف في البارتات ايهو الصح شرايكم أعضاااء ؟؟

  رد مع اقتباس
إضافة رد



جديد مواضيع قسم القصص والروايات الطويلة
الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:


المواضيع المتشابهه
الموضوع كاتب الموضوع المنتدى مشاركات آخر مشاركة
بعد 5 ايام سوف آموت =").."مني لكم ياشعب منتدانا الغالي" آلـشـيـخـه عـيـ[القسم العام ]ـون 5 10-04-2009 08:31 PM
"أميرة" إختطفت طفلتى جارتها وحاولت قتل الكبرى بمادة كاوية غلآ الإمارات عالم الاخبار العرب والعالم 8 05-27-2008 09:45 PM
هــــام .. ارجوا دخول الجميــع ..""بقلميـ .." عيون النمر بـقـلمـي 9 05-03-2008 07:17 PM
"إسرائيل" تتحدث عن التسوية وتستعد للحرب غلآ الإمارات عالم الاخبار العرب والعالم 6 11-08-2007 11:22 PM
"ميسي" في حوار مع "الموندو" يتفاجىء بإصابة "بويول" , يُدافع عن "روني" و يرحب بـ"هنري famos عيـ[الرياضة]ـون 2 07-03-2007 09:48 PM


الساعة الآن بتوقيت مملكة البحرين 08:45 AM


Powered by vBulletin® Copyright ©2000 - 2014, Jelsoft Enterprises Ltd.
SEO by vBSEO
منتديات غياهب
ادارة المنتدى تبرء ذمتها عن ما يكتب او التعارف الغير شرعي بين الجنسين ، جميع الحقوق محفوظه 2005- 2012
This Forum used Arshfny Mod by islam servant