عيـ[القصص و الروايات]ـون شاركونا بأجمل القصص واقرءو معنا امتع الروايات وقصص رومانسيه وحقيقيه


إضافة رد
 
LinkBack أدوات الموضوع التقييم: تقييم الموضوع: 4 تصويتات, المعدل 5.00. انواع عرض الموضوع
قديم 05-12-2012, 11:29 AM   رقم المشاركة : ( 21 )
عضو موقوف

الصورة الرمزية 333 ريحانة

الملف الشخصي
رقــم العضويـــة : 115354
تـاريخ التسجيـل : Jun 2011
عدد المشاركات : 239
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 10

333 ريحانة غير متصل

منتديات عيون البحرين الجزء الخامس

الجـــــــــــــــــــــــــــــــــــــــــــــــ ــــزء
الخـــــــــــــــــــــــــــــــــــــــــــــام س..
لا تحزن.. فأنا لم انســــــــــــــــــــــــــــــــــــاك..
ولن انســـــــــــــــــــــــــــــــــــــــــاك..
ولــــــــــكــــــــــن..
يجب ان اواجه هذه الحياة التي تركتني فيها.. بكل ما املك من قوتي..


\\\\\\\\\\\\\\\\\\\\\\\\\\\ في بيت ابو نيرمين..
كانت نايمة وناسية هموها والامها الي في قلبها والي حولها...... في عالم الاحلام و ليس عالم الواقع.. رأيت ابها من بعيد وهو يرفرف يده لها .. وكأنه يودعها ام يلقي عليها السلام.. لاتعلم.. لكنها فرحت لانها رأته.. اصبحت تركض بأتجاهه لتوصل اليه.. لكنها كلما اقتربت كلما ابتعد عنها اكثر........... وفجاة فتحت عينهاا..
هنا الواقع.. ليصدمها بالحقيقة....... قامت وطالعت روحها في حجرة ابوها نايمة: ليش قعدت.. كنت اتمنى لو كملت هالحلم.. عالاقل اكحل عيوني بشوفته.. ليش ليش قعدت.. ااااااااااااااااه.. يا ربي ساعدني..
ورجعت دموعها تنزل.. قامت بسرعة ومسحتها: لا..لا.. لا يعني لا.. لازم اكون اقوى من جدي.. ابوي رباني على اني اكون قوية لو ويش صادني.. ولا في شي يكسرني ابدا.. لازم اسوي الي قاله اليه.. صدق هو راح لكن توصياته و اوامره الي ما لازم انساهم ولا راح ينتسون ابدا..
من هنا حاولت ان تبدا حياتها الجديدة من هنا........ قامت وطلعت من الحجرة.. شافت جنات نايمة وابتسمت.. راحت الحمام وغسلت وجهها.. وطالعت روحها في المنظرة وشافت وجهها من بعد موت ابوها.. اتفاجات وانصدمت ابه: معقولة.. هذا وجههي..
راحت وقامت تصب على وجهها الماي جم مرة.. وقفت تطالع روحها" لازم اقاوم كل شي لازم.. والا ما بقدر اعيش من دون ابوي.. ما بقدر لازم امل واصرار..".. بعدها غسلت ضروسها.. وكملت وطلعت من الحمام.. راحت دشت حجرتها.. شافت جنان نايمة" مسكينة هه".. راحت الى كبتها وبطلته على عدال واخذت ليها بلوزة سوداء فيها نقوشات بالوان غير وجينز.. وطلعت وراحت لبستهم في الحمام << مكرمين>>.. طلعت و صلت ركعتين وراحت المطبخ و سوت الاكل.. ويوم خلصت طلعت وحطته على الطاولة.. وراحت الى جنات: جنات.. قومي جناتواا قومي..
جنات: امممم..
نيرمين حبتها على خدها: قومي جنات قومي..
جنات فتحت عيونها وطالعت الا تشوف نيرمين.." اني حسيت احد يحبني على خدني.. بس معقولة نيرمين.. لا مستحيل ما اصدق..".. قعدت مستغربة واطلعها.. نيرمين: ليش تطالعيني جدي.. بروح اقعد اختش..
دشت لحجرة جنان: جنان قومي وبلا دلع اشوف..
وراحت بطلت الستارة.. جنان فتحت عيونها بصعوبة: ويش فيش؟؟.. نبى انام..
نيرمين: في الليل نامي مو الحين.. يلا قوموا اشوف غربلتوني..
جنان طالعتها مو مستوعبة.. اما نيرمين طلعت عنها.. لكن جنان قامت من السرير بسرعة وطلعت وراها: هييي نيرمين..
نيرمين افترت اليها وابتسمت: هلا..
جنان انصدمت " هلا".. راحت اليها وحطت ايدها على جبهتها: لا يكون مصخنة مثلا..
نيرمين: ههههههههههههههههههه.. لا اني احسن منش ومن اختش..
جنات و جنان يطالعون بعض مصدومين اكثر.. جنات: لا لا لا.. انتين تضحكين لو اني سمعت بالغلط..
نيرمين: لا اضحك ليش حرام؟؟..
جنان: ههههههههه.. ما اصدق جنات ما اصدق..
جنات قامت تضحك ويا اختها: ولا اني تصدقين هههههههههههههههههه..
وقاموا ثنتيناتهم يضحكون.. ونيرمين طالعتهم وضحكت على اشكالهم..

\\\\\\\\\\\\\\\\\\\\\\\\\\\\\\ العصر.. في بيت ابو جنان..
دخل المطبخ وشافها تغسل المواعين.. قال بصوت كله كراهيه: بروح اخذ بناتش الحين.. وبت اختش ما راح تجي.. انا ما عندي مكان في البيت..
صفاء افترت اليه وقالت وهي متضايقة: روح خذهم.. وبتي اختي اليها الله..
ما يدري اليش حز في قلبه هالكلمة.. بس تضايق وطلع من البيت بسرعة.. وراح يتمشى الين ما وصل الى بيت نيرمين.. طق الجرس ولا شال ايده من على الجرس من زود العصبية.. فجاة انفتح الباب وشاف نيرمين.. نيرمين وهي مبتسمة: هلا ابو جنان..
سالم من غير نفس: نادي البنات باخذهم..
نيرمين: انزين حياك على ما هم يشليون اغراضهم بتوقف بره يعني..
سالم: لا عادي انا احارسهم..
نيرمين استغربت: اوكي بروح اناديهم..
توها بتروح بس وقفت لانه كلمها: لحظة شوي..
نيرمين افترت اليه: نعم..
سالم بحيلة: اسمعي انا بغيت اخذش وياهم تعيشين ويانا.. بس انا ما اقدر اصرف على بنات اكثر.. تعرفين 4 نسوان في البيت.. ومصروف.. فيعني سامحيني.. ما راح اقدر اخليش تعيشين ويانا..
نيرمين انصدمت من كلامه.. وفي نفس الوقت انقهرت وقالت بكل جرأة: اني الحمد الله اشتغل وماني محتاجة من يصرف عليي.. وحتى لو قلتون الي تعالي ما بجي.. لاني مستحيل اطلع من بيتي الا على المكان الي يقبلني.. او.. على قبري..
سالم استغرب من كلامها.. وسكت.. نيرمين: بروح اناديهم..
راحت وهي منقهرة منه " ويش هالابو الي عدهم.. صدق يعني ان لم تستحي ففعل ما شئت".. دشت حجرتها شافت البنات قاعدين ويضحكون.. نيرمين: ابوكم برا يحارسكم.. يلا قوموا..
جنات قامت تلبس دفتها..وجنان وقفت: يلا انتين بعد قومي شيلي قشش..
نيرمين: لا اني ما بجي وياكم..
جنان مستغربة: ويش ما بتجين امي قالت انتين بتعيشين ويانا.. بعدين ويش يقعدش في هالبيت بروحش مجنونة..
نيرمين: انا ما بطلع من بيتي ابدا..
جنان: هذي الي بتذبحني..
نيرمين: روحي البسي دفتش احسن شي.. يلا ابوش برا يحارسكم..
جنات: بس امي قالتـــ..
قاطعتها نيرمين: قالت ما قالت قولوا الى خالتي اني ما بجي البيت ولا هم يحزنون..
سكتوا عنها و سلموا عليها وطلعوا.. سالم: يلا ما صارت..
جنان: انزين انته الي واقف برا..
سالم: لا تراددين وامشي..
جنات تساسر جنان: ابوي معصب..
جنان بنفس الطريقة: صبري شوي.. اني شاكه في شي..
جنات: ويش هو؟؟..
جنان: صبري..
رفعت صوتها: ابوي انته قايل شي الى نيرمين؟؟..
الاب طالعهم: ليش ويش قايلة اليش هي؟؟..
جنان: ما قالت شي.. انته قايل شي..
الاب: وانا ما قلت شي.. امشوا وصلنا امشواا..

\\\\\\\\\\\\\\\\\\\\\\\\\\\\ اليوم الثاني.. العصر.. في بيت ابو نيرمين..
في المجلس قاعدة وهي تدرس الجهال.. شرحت لكل واحد لين ما كملت.. وقعدت وياهم تسولف يمكن تنسى الي فيها.. نيرمين: اها يقين صارت رجولش زينة..
يقين: اي صارت زينة..
حسن: يعني الحين انتين بروحش اهني.. ما وياش احد..
نيرمين ضحكت على سؤاله: اي.. ما وياي احد..
يقين: ما تخافين؟؟..
نيرمين: لا اني كبيرة..
حسن: انا اخاف.. ما عندش احد يقعد وياش؟؟..
نيرمين: لا يعني عندي اهل بس ما يقدرون يعيشون ويايي.. هم عدهم بيت بعد..
يقين: تعالي عيشي ويانا..
نيرمين: ههههههههههه..
حسن: اي فكرة حليوة.. احنا نحبش.. تعالي قعدي ويانا.. منستانس وياش..
نيرمين: لا ما يصير.. هههههههههههه
وحدة عمرها بين 12 او 11: لا والله.. بتجي تعيش ويانا احنا..
حسن: لا احنا..
يقين: اي احنا..
البنت: لا احنا..
حوراء: لا والله.. المسكينة ما اليها رايي..
نيرمين: تعجبيني حور.. انتين الي تفهميني..
يقين: انزين وين بتعيشين؟؟..
نيرمين: في بيتنا ههههههههههه..
طق الجرس.. حسن بخوف: لا لا لا .. انشاء الله مو امي..
يقين من قلبها: انشاء الله..
نيرمين تتطنز: اكيد امكم.. اني شفتها من الدريشة..
حسن بخوف: صدق؟؟..
نيرمين قامت طلعت وهي تضحك.. حطت حجابها على راسها وبطلت الباب.. شافت مراة: سلام..
نيرمين: هلا ام ياسر.. الحين بنادي نجلاء..
ام ياسر: اي والله ما تقصرين..
نيرمين دشت المجلس وقامت تطالعهم واحد واحد.. وهم خايفين ما يبون يطلعون.. نيرمين: مساكيين.. يلا نجلاء قومي..
نجلاء << الي تهاوشت وياهم >>: ما بتجيين ويانا؟؟..
نيرمين تهز راسها بنفي.. نجلاء: اووووف..
نيرمين: ههههه عمري انتين..
حبتها على خدها.. ونجلاء فرحت.. وطلعت وسلمت عليها.. دشت المجلس وهي تطالعهم.. الا تسمع صوت الجرس.. وقفت وطالعتهم.. حسن: انا الا الله..
يقين: من الحين بعد..
راحت نيرمين وبطلت الباب شافت ام حسن: هلا..
ام حسن: اهلين.. يلا نادي الاولاد..
نيرمين: انشاء الله دقيقة وحدة..
راحت دشت اليهم وقالت: امكم جتتتتتتت.. هههههههههههه
يقين: احنا!!؟؟..
نيرمين: اي انتون له..
يقين تنهدت: انزين قوم انته قوم..
حسن قام: اوهو..
مشوا وصلوا الى نيرمين: مع السلامة..
نيرمين: الله يسلمكم انشاء الله..

\\\\\\\\\\\\\\\\\\\\\\\\\\\\\\\\\ بــــــــعــــــــد مــــــــرور شــــــــهــــــــريــــــــن..
نيرمين:: نيرمين صدق كانت دائما في دوامة يا اما انها تصيح وتقعد تذكر ابوها او انها تحاول تتناسى عن طريق خالتها وبناتها اذا زاروها او عن طريق الجهال.. لكن هالشي قدرت تتغلب عليه وصارت احسن بواجد من قبل.. وصارت هي رجال ومرأة البيت.. عاشت وحيدة طول هالشهرين.. و تصبرت على معظم كلام الناس عنها.. لان الثقة بالنفس و الارادة.. كانوا معها..
صفاء:: طول الوقت والى الان متضايقة على بت ختها.. لانها بنت وما يصير تقعد بروحها في بيت ما في وياها اي رجال.. ومع انها حاولت ويا سالم جم مرة بس سالم ما فاد وياه اي شي.. و مع سارة والمشاكل ما تخلص وياها.. لكنها صابرة..
سالم:: يخطط لزواج بته جنان الى الحين.. بس مو عارف جيفه يقنعها..
سارة:: تلف وتدور وترجع لزواج جنان.. وتحججاتها على صفاء ما تخلص..
جنان وجنات:: ممشيين حياتهم عادي.. بين الدراسة وبين تواصلهم مع نيرمين..
زينب:: ما تدري ليش زوجها يعاملها بطريقة مو طبيعية.. وتلاحظ عليه تغير..
عقيل:: يخطط الى شي بس ويش هو؟؟..
حسن ويقين:: <<<لا تعليق..

\\\\\\\\\\\\\\\\\\\\\\\\\\ في الليل.. الساعة 1 بيت نيرمين<< خلاص ابوها مات...
كانت نامية في سريرها.. وغارقة في عالم احلامها.. فجاة فتحت عيونها منخبلة من صوت الجرس.. قامت بسرعة وهي خايفة: بسم الله وبالله.. من جايني الحين من؟؟..
طلعت من الدريشة شافت بنية واقفة ومو راضية تهد الجرس.. صكت الستارة: من هذي؟؟..
راحت اخذت حجابها ولبسته وراحت وهي خايفة.. بطلت الباب وانصدمت: جناان..
جنان مرتبكة: الله يخليش ساعديني..
نيرمين مستغربة: ويش جايبنش ويش صاير؟؟..
جنان بخوف: دخليني الحين دخليني..
نيرمين: دشي دشي..
دشت جنان ونيرمين صكت الباب..
قعدت جنان على الكنبة وقلبها يدق بسرعة كبيرة: نييرمين.. اني هربت من البييت..
نيرمين منصدمة: ويش!!!!!!!!!!!!!!.. ليش؟؟.. و ويش صاير؟؟..
جنان قامت تصيح: اهئ اهئ..
نيرمين فتحت ليت الصالة الي كان منطفى وراحت قعدت تحتها: ليش تصيحين؟؟.. قولي اليي.. لا تخليني على اعصابي..
جنان وهي تصيح: ابوي.. اهئ اهئ.. يبى يزوجني.. لا و واحد اكبر مني بضعف عمري..
نيرمين منصدمة: ااه.. معقولة.. لهدرجة ابوش مستغني عنش؟؟..
جنان: اي.. شفتين يا نيرمين شفتين.. يبى يزوجني اياه ويقول عنده فلوش وصاحب شركة.. اني ويش اسوي في شركته و ويش اسوي فيه.. اني ما امبي واحد اكبر مني.. يعني مو من حقي اتزوج واحد قدي.. مثل ما تحلم اي بنت.. اهئ اهئ.. ما امبي اصير مثل سارووووه... ما امبي.. اهئ اهئ اهئ اهئ..
ردت تصيح اكثر.. نيرمين كسرت خاطرها وقامت حضنتها وقامت تهدأها: خلاص حبيبتي.. لا تخافين خلاص.. خلاص ولا يهمش... بسش لا تصيحين..

\\\\\\\\\\\\\\\\\\\\\\\ الصبح.. في بيت ابو جنان..
طلع من حجرته وهو لابس خترته وثوبه.. شاف صفاء واقفة في نص الصالة وكانها محتارة.. افترت شافت سالم.. خافت.. ما عرفت ويش تسوي.. راحت دشت حجرتها وراحت لجنات النايمة: جنات قومي جنات..
سالم استغرب وراح دش وراها..صفاء تقعد جنات: قعدي بسرعة جنااات..
جنات: نعم اماه.. ويش فيش جدي؟؟..
صفاء مرتبكة: تدرين وين جنان؟؟..
جنات: لا ليشش؟؟..
صفاء قامت تضرب روحها: يا ربي وين راحت البنية وييين.. جان ما صار فيها شي..
سالم مستغرب: ويش صاير..
صفاء افترت اليه وطالعته بحقارة و رفعت صوتها شوي: اني بس ما اقدر اتحملك اكثر.. ما اقدر.. تدري لو صار في بتي شي ما اسامحك ليوم الدين.. انته الى تبي تزوجها لواحد اكبر منها.. وما يندرى بعد يمكن متزوج.. روح دور على بتك لا يكون صار فيها شي رووووح..
سالم كان منصدم من كلامها ما عرف يتكلم وسيده طلع من البيت.. طالع الطريق: اكيد راحت بيت خالتها..
وراح يركض.. الين ما وصل لبيت نيرمين.. طالع البيت وهو معصب.. وقام يطق الجرس بقوة.. ويطق الباب بقوة اكبر: بطلوا الباب بطلواا..
فجاة تبطل الباب وطلعت اليه نيرمين واقفة بكل قوة ومن دون اي خوف.. وبكل ثقتها: نعم..
سالم بصراخ: طلعي بتي الحين طلعيها..
نيرمين تمثل انها ما تدري: اي بت؟؟..
سالم: لا تستهبلين عليي.. طلعيها اقول..
نيرمين تمثل الدهشة: اي بنية.. اني ماني فاهمة شي.. ويش الي صاير؟؟..
سالم رفع صوته وعصب زياده: نيرمين طلعي جنان.. بسرعة اشوف..
نيرمين: اي جنان؟؟.. انته خرفت اظاهر..
سالم: اذا ما بتطلعينها الحين بدش افتش البيت..
نيرمين بخوف من داخل لكن بثقة من بره: تفضل فتش..
سالم دش وهو معصب قام يطالع الصالة.. نيرمين: تقدر تدش الحجر تشوف..
سالم دش المجلس ما شاف احد.. طلع وقال: بدش الحجر الباقي..
نيرمين: اوكي..
راحت بطلت باب حجرتها.. وهو دش الحجرة قام يطالعها ما شاف احد.. راح بطل الكبتات.. ما شاف احد.. طلع وراح دش الحمام ما شاف احد.. ودش حجرة ابوها وطالع الحجرة.. فتش الكبتات ما شاف احد.. راح عند الرفوف وشال الستارة المحطوطة عليهم.. اهني نيرمين خافت بزيادة وقام قلبها يدق بسرعة.. بس رفوف مستطيلة ما راح تكون جنان في هم اكيد.. طلع وراح المطبخ وما شاف احد.. نيرمين: هممم.. صدقتني الحين؟؟..
سالم: مسامحة.. لكن ترى ان عرفت ان جنان اهني.. لا تلومين الا نفسش..
نيرمين ضحكت ضحكة سخرية: هه.. الله وياك.. << اشكره طردة..
سالم انقهر.. وطلع من البيت.. نيرمين: ههههههههههه..
راحت دشت حجرة ابوها.. وراحت للرفوف وشالت الستارة.. وقامت تحاول تبطل الرفوف .. الين ما تبطل.. <<< يعني الرفوف كاملها عبارة عن باب للخزانة كبيرة .. فتحتها وكانت جنان قاعدة وهي عرقانة حدها وسيده من شافت نيرمين قامت وطلعت وهي ترفف ايدها على وجهها: حر حر حر.. موووووووووووووووت..
نيرمين: هههههههههه.. ويش اسوي ما في مكان غير اهني..
جنان: الحمد الله يا ربي انه طلع من البيت وافتكيت..
نيرمين: لا ما افتكينا.. اكيد ابوش براقب البيت.. 100 %..
جنان: ما عليه اني ما راح اطلع من البيت ابدا..
نيرمين:ههه..
جت نيرمين بتصك الخزانة ... جنان: لحظة لحظة..
نيرمين: ويش؟؟..
جنان باعدت نيرمين وراحت دخلت ايدها في الخزانة وطلعت صندوق كان مخشوش شكله.. وسحبته لانه ثقيل.. بس مو كبير وااجد.. نيرمين مستغربة: ويش تسوين؟؟..
نيرمين طالعت الخزانة وشافت شي جنان تسحبه و طلعته و حطته على الارض.. نيرمين: ويش هذا؟؟.. اول مرة اشوفه..
جنان: صدق.. واني جاية بسالش.. اظاهر الى ابوش..
قامت تطالعه نيرمين مستغربة.. جنان: فتحيه يلاااا..
نيرمين: بس.. طالعيه فيه قفل..
جنان: لحظة..
راحت تطل داخل الخزانة.. شافت مفتاح مفلوت.. اخذته ورفعته الى نيرمين: شوفي.. ههههههههههههه
نيرمين: جيبيه يلاااا..
جنان عطتها اياه وقعدت قبالها متحمسة.. نيرمين قامت حطت المفتاح في القفل.. وفتحته.. بطلت الصندوق.. وقامت تطالعه هي وجنان.. كان فيه اوراق.. اخذت نيرمين الاوراق.. كانوا تقريبا كلها واصايا من ابوها.. قرتهم وحدة وحدة.. وطول هالوقت كانت دموعها ما فارقتها.. اما جنان اخذت الصور المحطوطة عقب الرسايل او الوصايا.. وقامت تطالعهم.. بس ما كانت تدري من ذلين.. تطالعهم وهي مستغربة..
نيرمين تقرأ كل رسالة.. وفي كل رسالة تطيح من عيونها الف دمعة.. (( ما اوصيش على هالبيت.. ترى البيت امانة عندش.. هالبيت انا عشت فيه من سنين.. لا تفرطين فيه ابدا يا بتي لا تفرطين فيه.......... )) (( انتين تعرفين بسالفة عمش.. وان هالفراق الي بينا بسسب الورث.. لكن انا مسامحهم.. حتى لو ويش صار بينا.. بنظل اخوان مهما كان.. اسمعي وصيتي.. وامبيش تسوينها.. اذا كنتين تحبيني.. روحي الى عمش حسين.. وقولي اليه اني مسامحه.. واطلبي منه انه يسامحني.. ادري بتقولين ليش انا ما اروح اليه.. لاني ما ادري ويش ردت فعله.. وما امبي اتضايق.. كفاية الي صار.. لا تنسين يا بتي.. دوري على عمش.. وروحي اليه.. لا تنسين.. واكرر لا تنسين..)).. هدت الوصايا الي في ايدها وقامت تصيح: اهئ اهئ اهئ..
جنان هدت الصور وطالعتها: بس خلاص نيرمين.. ابوش راح وما راح يرجع.. لا تزعلين روحش..
نيرمين مسحت دموعها: ابوي موصيني اروح لعمي.. اقول اليه ان ابوي مسامحك.. ومو زعلان منك.. شفتين يا جنان.. بعد الي سوااه عمي.. ابوي مو زعلان منه.. اهئ اهئ.. صدق ان ابوي قلبه حنون وطيب..
جنان تنهدت: بعد.. اخوه مستحيل يكرها.. اني ابوي على الي سواه فيي.. مستحيل اكره.. بس يمكن اكره تصرفاته اي يمكن.. بس هو مستحيل..
نيرمين طالعتها وابتسمت: هه.. وانتين ويش تطالعين..
جنان: صور.. بس ما ادري منهم.. ما اعرفهم..
نيرمين اخذت الصور.. وقامت تطالعهم: ما ادري من ذلين.. بس يمكن عمي.. لان ابوي قال اليي عندش عم واحد.. اكيد ذلين اولاده بعد.. والله مادري..
جنان: هههه.. والحين ويش بتسوين؟؟.. بتروحين توصلين وصية ابوش لعمش..
نيرمين محتارة وقامت تفكر: تدرين.. مع اني اكره عمي.. لانه سوا في ابوي جدي.. لكني احس في شعور في قلبي يقول اليي.. انه الظفر ما يطلع من اللحم.. و انه مهما صار لازم انسامح الي من دمنا.. لان في شي يربطنا وياهم وهو الدم.. الدم.. الدم يا جنان.. تدرين انه ابوي.. هو الي يقول اليي هالكلام.. دائما..
جنان ابتسمت اليها: قومي بس قومي.. وشيلي هالصندق.. ودوري على عمش عشان توصلين الوصية..


انتهى الجزء الخامس..
واتمنى انه ينال اعجابكم مثل الجزء الرابع..
و تحياتي لكم
333 ريحانة

من مواضيع 333 ريحانة في المنتدى

  رد مع اقتباس
قديم 05-12-2012, 02:29 PM   رقم المشاركة : ( 22 )

الصورة الرمزية نعيميه أصيله

الملف الشخصي
رقــم العضويـــة : 117593
تـاريخ التسجيـل : May 2012
عدد المشاركات : 11
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 10

نعيميه أصيله غير متصل

افتراضي

قصة حلوة و كمليها بسرعة

  رد مع اقتباس
قديم 05-12-2012, 06:00 PM   رقم المشاركة : ( 23 )

الصورة الرمزية zαиσσв

الملف الشخصي
رقــم العضويـــة : 117595
تـاريخ التسجيـل : May 2012
عدد المشاركات : 21
الــــــــجنــــــس : شــابة
الـــــدولـــــــــــة : بحرين
عدد الـــنقــــــاط : 10

zαиσσв غير متصل

ابتسامة

ياااااااااعلي
بلاااااو ي هالروااية والله العظيم
تسلم ايدش
ماشاءالله ليش مستقبل

يالله ننتظر البارت الجاااااااي بفااااااارغ الصبر


لكن بقوليش توقعاتي هه :
اتوقع ان عم نيرمين اول شيء ما يتقبل الأمر
ويصير عندها ولد عم ويساعدها وجدي يعني
ويصير اشيا بلاااوي && هه ما عليه تحمست شوي

  رد مع اقتباس
قديم 05-12-2012, 06:02 PM   رقم المشاركة : ( 24 )

الصورة الرمزية zαиσσв

الملف الشخصي
رقــم العضويـــة : 117595
تـاريخ التسجيـل : May 2012
عدد المشاركات : 21
الــــــــجنــــــس : شــابة
الـــــدولـــــــــــة : بحرين
عدد الـــنقــــــاط : 10

zαиσσв غير متصل

افتراضي

جااااااااااااااااااااري الأنتظااااااااار
جااااااااااااااااااااري الأنتظااااااااار

جااااااااااااااااااااري الأنتظااااااااار

جااااااااااااااااااااري الأنتظااااااااار

جااااااااااااااااااااري الأنتظااااااااار

  رد مع اقتباس
قديم 05-12-2012, 06:11 PM   رقم المشاركة : ( 25 )
عضو موقوف

الصورة الرمزية 333 ريحانة

الملف الشخصي
رقــم العضويـــة : 115354
تـاريخ التسجيـل : Jun 2011
عدد المشاركات : 239
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 10

333 ريحانة غير متصل

افتراضي

اقتباس
المشاركة الأصلية كتبت بواسطة يسقط حمد تن تن تتن مشاهدة المشاركة
مشكووره خيووه على القصه
الاكثر من روووعه بانتضار التكمله

العفو خيووه و الحين بحط التكملة
من مواضيع 333 ريحانة في المنتدى

  رد مع اقتباس
قديم 05-12-2012, 06:12 PM   رقم المشاركة : ( 26 )
عضو موقوف

الصورة الرمزية 333 ريحانة

الملف الشخصي
رقــم العضويـــة : 115354
تـاريخ التسجيـل : Jun 2011
عدد المشاركات : 239
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 10

333 ريحانة غير متصل

افتراضي

اقتباس
المشاركة الأصلية كتبت بواسطة نعيميه أصيله مشاهدة المشاركة
قصة حلوة و كمليها بسرعة
انشاء الله بكملها
من مواضيع 333 ريحانة في المنتدى

  رد مع اقتباس
قديم 05-12-2012, 06:14 PM   رقم المشاركة : ( 27 )
عضو موقوف

الصورة الرمزية 333 ريحانة

الملف الشخصي
رقــم العضويـــة : 115354
تـاريخ التسجيـل : Jun 2011
عدد المشاركات : 239
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 10

333 ريحانة غير متصل

منتديات عيون البحرين

اقتباس
المشاركة الأصلية كتبت بواسطة zαиσσв مشاهدة المشاركة
ياااااااااعلي


بلاااااو ي هالروااية والله العظيم


تسلم ايدش


ماشاءالله ليش مستقبل



يالله ننتظر البارت الجاااااااي بفااااااارغ الصبر




لكن بقوليش توقعاتي هه :


اتوقع ان عم نيرمين اول شيء ما يتقبل الأمر


ويصير عندها ولد عم ويساعدها وجدي يعني


ويصير اشيا بلاااوي && هه ما عليه تحمست شوي
مشكورة خيووه على المرور و الرد واتمنى تكون توقعاتش صحيحة.. ولكل الي يبه يتوقع يقدر يقول << اصلن يعطيني حماس..
تحياتي: 333 ريحانة
من مواضيع 333 ريحانة في المنتدى

  رد مع اقتباس
قديم 05-12-2012, 06:20 PM   رقم المشاركة : ( 28 )
عضو موقوف

الصورة الرمزية 333 ريحانة

الملف الشخصي
رقــم العضويـــة : 115354
تـاريخ التسجيـل : Jun 2011
عدد المشاركات : 239
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 10

333 ريحانة غير متصل

مشمسة الجزء السادس

الجـــــــــــــــــــــــــــــــــــــــــــــــ ــــــــــزء الســــــــــــــــــــــــــــــــــــــــــــادس ..
لم اعد طفلة..
لم اعد صغيرة......... لقد كبرت.. حقا لقد كبرت..
لم اعد انظر لهذه الحياة وكأنها لعبة جميلة العبها..
بل اراها كالدوامة التي لا استطيع الفرار منها..
ليس وحدي.. بل الكثير الذين يعيشون معي فيها..
لقد ادركت.. ادركــــــــــــــــــــــــــــــــــــتك.. ايتها الحياة

\\\\\\\\\\\\\\\\\\\\\\\\\\\\\\ في بيت ابو جنان..
دش البيت معصب.. وصفع باالباب.. دخل للصالة وفلت غترته على الكنبة وقعد.. طلعت صفاء من حجرتها ودموعها اربع اربع: ها حصلتها.. قول اليي..
سالم: بتش هذي هربت ما ادري وين راحت.. سألت عنها عند كل الي اعرفهم بس ما حصلتها.. حتى رحت الى بت اختش.. وفتشت البيت تفتيش بس ما حصلت..
صفاء طاحت على الارض وقامت تصيح: يا ربي بتي الحين وين راحت ويييين..
طلعت جنات وشافت امها وراحت اليها: بس اما بس.. اكيد بترجع يعني وين بتروح..
صفاء بصياحها: اخاف صار اليها شي يا بتي.. اني من دونش انتين واختش ما اقدر اعيش ما اقدر.. ااااااااااااه..
سالم اتضايق من صراخها.. وصياحها.. وقام دش حجرته..سارة: ها حصلتها..
سالم: لا ما حصلتها.. ما ادري وين راحت الي ما تستحي على وجهها..
سارة: يا ربي.. هالرجال بضيع من ايدك يا سالم.. انته لازم تحصلها وتزوجها اياه اليوم قبل باجر..
سالم عصب: انزين خلني احصلها انا له.. اااخ بس لو اعرف وينها اااخ..

\\\\\\\\\\\\\\\\\\\\\\\\\\\\\\ في بيت نيرمين..
جنان ابتسمت اليها: قومي بس قومي.. وشيلي هالصندق.. ودوري على عمش عشان توصلين الوصية..
نيرمين: خلني بروح اغسل وجهي بالاول تالي بشيل الصندوق..
وراحت طلعت من الحجرة.. جنان قامت اخذت الرسايل وقامت تلقي عليهم نظرة وفجاة قالت: انزين ابوها يعرف يكتب!!.. اكيد خله واحد يكتب اليه اذا ما يعرف..
وواخذت باقي الرسايل تطالعهم.. كانوا كلهم مفتوحين.. الا وحدة كانت مصكوكة: يوه.. شكلها ما فتحتها.. نست المسكينة..
طالعتها: افتحها لو لا.. لا لا ما يصير افتحها.. بس فيني فضول.. يعني ويش بكون فيها اكيد توصيات عادية..
راحت وفتحت الرسالة وقامت تقراها بكل تمعن.. ولما وصلت نص الرسالة شهقت: معقولللللللللللللللللللللللللللللللللللللللللللللل للللللللة...
كملت وهي متشوقة.. قرأت الرسالة كامل وهي كل شوي تشهق.. كملتها.. وصكتها على طووول: لا لا لا .. ما اصدق والله ما اصدق.. معقولة معقولة.. يا ربي.. اذا درت نيرمين ويش بتسوي.. جيفه بتستحمل.. كفاية انه صدمة موت ابوها قدرت تتحملها.. الحين تتحمل هالشي..... اني اقول ما تعرف ولا هم يحزنون.. يعني مو الحين تعرف.. خلها تمر ليها بعد جم شهر..
جفست الرسالة وحطتها في مخباها.. جت نيرمين: ويش تسوين؟؟..
جنان: ولا شي.. طالعت الرسايل..
نيرمين تنهدت: يلا ساعديني بشيلهم..
جنان تطالعها وهي متضايقة: ولا يهمش.. بس داخل الصندوق فيه صندوق اصغر بعد..
نيرمين: اي اذكره هالصندوق.. فيه بيزات.. ابوي قال اللي من قبل انه بجمع اليي في هالصندوق.. بس ما كنت مهتمة اليه.. بس تدرين يمكن يفيدني..

\\\\\\\\\\\\\\\\\\\\\\\\\\\\\\\\\\\ في الليل.. بيت ابو جنان..
كان سالم واقف في حجرته وهو يتكلم في تلفونه: اي ما عليه ما عليه..
الرجال: انزين يعني اباجر اجي و وياي الشيخ؟؟..
سالم: اي باجر تعال والشيخ وياك.. انا مو مستغني عنك.. انته تستاهل..
سارة تأشر الى سالم بايدها بمعنى زين تسوي..سالم هز راسه اليها بنعم..الرجال: ما تقصر يا ابو جنان.. باجر انا عدكم انشاء الله.. بس مثل ما قلت اليك.. انا واحد متزوج.. وعندي اولاد بعد.. انا ما راح اتزوج اي وحدة اذا مو راضية..
سالم: لا تخاف انا بتي تعرف هالشي.. وبتتزوجك وراضية..
الرجال: اذا جدي.. عجل اسلم عليك.. وباجر اشوفك انشاء الله.. مع السلامة..
سالم: الله يسلمك..
صك التلفون وقعد تحت سارة..سارة: والحين ويش بتسوي هاااا.. بتك دورت عليها في المستشفيات و المراكز وما حصلتها.. وين بتكون راحت.. واذا ما حصلناها من الحين الى باجر في الليل ويش بصير..
سالم وكأنه في باله شي: صبري.. انا الحين اخلي جنان تجي من دون ما اتعب روحي بعد..
سارة مستغربه وشاكة: ويش بتسوي؟؟!!!!!!..
سالم قام وطلع من الحجرة وراح لحجرة مرته وبناته.. بطل الباب..
كانوا صفاء وجنات قاعدين على السرير.. وتفاجؤا من سالم.. سالم طالعهم وعيونه تدل على الشر و القساوة.. وانه مو ناوي على خير.. تقدم لداخل الحجرة خطوة وحدة.. وطالع جنات بنظرة ما فهمتها.. وفجاة تكلم: اسمعوا انتون.. ثنتينكم انتون.. اذا دريت انكم تدرون وين جنان.. لا تلومون الا نفسكم والله.. والله فهمتون..
جنات ودمعة في عيونها: ابوي لو ندري جان ما قعدنا نحاتيها الى الحين..
سالم صرخ: وانتين سكتيييييي.. شوفييي.. اذا باجر اختش الى العصر وماجت.. راح تكونين انتين مكانها..
جنات انـــــصـــــدمــــــتـــــــ..وصفاء رفعت راسها وطالعتها مستغربه..سالم: يعني بتكونين انتين العروس فاااااااااااااااهمة..
وطلع وصك الباب بقوة وخلاهم ينخبلون..جنات طالعت امها: ماما..
صفاء قاطعتها: اسمعي يا بتي.. ابوش مو ناوي على خير.. فصبري والله يعيين...

\\\\\\\\\\\\\\\\\\\\\\\\\ في بيت نيرمين..
كانت واقفة في الصالة ولابسة دفتها.. وقاعدة تلبس حجابها.. طلعت جنان من المطبخ وهي تتحلطم: اوووف.. الثلاجة ما فيها شي.. اني وحدة جوعانة بصراحة..
افترت اليها نيرمين: وانتين همش بطنش.. ما تفكر الا في بطنها..
جنان: الحين وين بتروحين؟؟..
نيرمين بعد ما كملت: بروح اشتري خبز له.. جيفه بناكل البيض واللوبة..
جنان: اي صح.. وانتين طول هالشهرين جدي..
نيرمين تهز راسها بنعم: يلا بروح.. قعدي لا تخافين.. وببند الليت لا احد يشك..
جنان: اي ما عليه بقعد في الظلمة ولا احد يقول الى ابوي اني اهني..
نيرمين: اوكي..
طلعت من البيت وهي تطالع المكان.. كانت تتاكد اذا احد يراقب او لا.. مشت وهي تحس روحها خايفة.. بس مرة ثانية حاولت تتحاشى هالخوف.. وترد ثقتها بنفسها وتمشي من دون اي خوف او توتر..

\\\\\\\\\\\\\\\\\\\\\\\\\ الصبح.. في بيت ابو جنان..
تقربت جنات من الحجرة.. خايفة تطق الباب.. ومرتبة في نفس الوقت.. مو قادرة تطق.. بس قربت ايدها من الباب وهي تحاول تضغط على روحها.. وفجاة حست انها طقت الباب.. مو قادرة تصدق هي طقت الباب.. وما بين هي خايفة و متفاجأة في نفس الوقت.. اتبطل الباب..الا تشوف في وجهها ابوها واقف وهو معصب.. كان لابس غترته وثوبه.. كان بروح الى الشغل..طالعته وهي خايفة: ابوي امبي اروح الى نيرمين..
طالعها وهو مستغرب: الحين؟؟.. تدرين الساعة جم؟؟...
جنات: اي.. بس امبي اروح اليها.. عشان يمكن تكون اختي عدها..
سالم بتفكير خبيث: تدرين عجل.. انا بروح وياش.. وانتين ادخلي عدهم وكانش جاية بروحش..واذا كانت هي هناك.. اطلعي وقولي اليي وانا بدش اخذها..
جنات طالعت ابوها وهي مستغربة.. مو قادرة تستوعب ابوها يسوي في اختها جدي.. معقولة هي تخون اختها التوأم الي من روحها ودمها و تخليها تتزوج واحد ما تباه.. حتى لو هي تتزوجه ولا انها تخون اختها.. تراجعت على الوراء وهي تحرك راسها بالنفي.. وتعني انها مو قادرة تفهم او تستوعب ابوها.. ورجعت دخلت حجرتها وصكت الباب..
كانت الام قاعدة على سريرها ودموعها ما نشفت..طالعتها جنات: ما خلاني..
صفاء وهي تصيح: ادري.. ما بخليش..
جنات قعدت تحت امها: اماه بسش اكيد بترجع.. اني حاسة انها عند نيرمين..
صفاء: جيفه عند نيرمين جيفه.. مو ابوش مفتش البيت عدل لو هي اهناك جان جافها.. اتمنى تكون بخير.. وانه ابوش ما يحصلها.. وفي نفس الوقت اتمنى ترجع عشان اشوفها.. وعشان ما تكونين انتين الضحية.. لكن بتكون هي الضحية..
زاد صياحها: ااااااااه.. والله ما ادري ويش اسوي.. احس ايادي مربطين.. اضحي ابش لو ابها ما ادري.. ثنتينكم بناتي وما اقدر اضحي بكم.. ويش اسوي يا ربي ساعدني يا ربي..
قامت تصييح وتصييييحوجنات تهدأ فيها ودموعها ما قدرت تتحمل وهي تشوف امها تصيح قامت دموعها تنزل وكانها تواسي دموع امها..

\\\\\\\\\\\\\\\\\\\\\\\ العصر.. في بيت نيرمين..
جنان: يعني بتروحين؟؟..
نيرمين وهي مترددة: والله ما ادري.. بس خلني اروح عشان ابوش ما يشك في شي.. وبسوي روحي ما ادري بشي.. وبطمن اختش وامش..
جنان خايفة ومترددة: لا لا .. والا تدرين.. قولي انزين.. تدرين لاتقولين.. لا تقولين.. او قولي.. تدرين اني ما ادري.. سوي الي بتسوين..
نيرمين: هههه.. كل هذا خوف.. انزين خلني البس عشان اروح..
جنان: اوكي..
راحت نيرمين حجرتها واخذ تاليها جلابية سوداء.. ولبستها.. ويوم خلصت ولبست دفتها وحجابها طلعت من البيت وراحت بيت خالتها.. وصلت وطقت الباب..
مهلت تقريبا شوي بس.. الا الباب مفتوح.. طلع سالم وهو يطالعها مستغرب: ويش تبين؟؟..
نيرمين تطالعها وكلها ثقة: بدش.. بشوف خالتي وبناتها..
سالم تباعد عن الباب ونيرمين دشت.. شافت صفاء وجنات واقفين.. كانهم كانوا ينتظرون احد.. او كانوا متوقعين ان جنان جت ما ادري.. راحت الى خالتها: سلام خالة..
صفاء بصوت مبوح: هلا بتي..
سلمت على جنات: شخبارش جنات..
جنات وهي متضايقة: بخير..
صفاء دشت الحجرة.. ونيرمين تطالعها" مسكينة يا خالتي اكيد زعلانة على جنان" .. طالعت جنات وحبت تسوي روحها ما تدري بشي: وين جنان؟؟..
جنات تضايقت "يعني جنان مو عندش.. ااه جنان وين بتروحين.. اهم شي انش بخير.. اهم شي": امشي داخل اقول اليش..
دخلت جنات ونيرمين الحجرة وصكوا الباب.. وسالم راح دخل حجرته وكانه تاكد انه بنته مو عند نيرمين..
في حجرة البنات..
نيرمين تطالع صفاء.. كانت تبى تقول اليها بس ما قدرت " يمكن ابوهم قاعد يتصوخ علينا.. اني ويش ضمني.. خلني ساكته الين ما تنتهي هالليلة وتخلص السالفة".. جنات: جنان شردت من البيت.. لان ابوش يبى يزوجها واحد اكبر منها..
نيرمين تسوي روحها منصدمة: شردت!!..
جنات: اي.. ومن اول امس احنا ما ندري عنها..
صفاء وكانها تبى تفضفض: المشكلة ابوها يقول اذا ما جت جنان بزوج الرجال الى جنات.. والله يا بتي خايفة عليهم.. ويش اسوي.. ويش الحل بس ويش..
وقامت تصييح <<< مسكينة.. نيرمين انصدمت من كلام خالتها وفي نفس الوقت حست بخالتها الي قامت تصييح.. قامت اليها وراحت حضنتها.. وهي تفكر ومترددة تقول اليها او لا" يا ربي اخاف اقول اليها.. و هي تتحير تضحي بجنان او جنات.. واخاف ما اقول اليها وجنات تروح فيها.. يا ميسر يا الله يسر الامور يا رب"..
قطع كل هالتفكير صوت الباب ينطق.. قامت جنات ومسحت دموعها الي نزلت وهي تطالع امها.. وراحت فتحت الباب.. ونيرمين تباعدت عن صفاء وهي تقول: انشاء الله هي بخير..
صفاء هزت راسها بنعم ومسحت دموعها..
وقفت جنات تطالع ابوها الي واقف: يلا الحين بتتجهزين.. انتين فاهمة..
جنات انصدمت: يعني ويش؟؟..
سالم بعصبية: يعني ويش بعد!!.. يعني الرجال بياخذش انتين فاهمة انتين.. يلااااااااا
جنات وهي خايفة من صراخ ابوها: انزين اني ما امبيه..
سالم مد ايده وعطاها كففففففففففف..خلت جنات تنزل دموعها بشكل لا ارادي.. افترت نيرمين وصفاء يطالعون جنات لما سمعوا صوت الكف.. صفاء يوم شافت بتها ما تقدر تسوي شي لبتها.. قامت ونزلت دموعها وكانها ما عدها حل ثاني..
نيرمين طالعتهم وقامت وقفت وراحت عند الباب وطالعت سالم بكل استحقار.. وباعدت جنات عن الباب و وقفت مكانها: اسمعني عدل.. اني ما ادري انته ما عندك ضمير.. يعني ما تحس ولا عندك قلب او مشاعر.. يا رجال هذي بتك بتككككك.. مو عدوتككك.. تبى تزوجها واحد اكبر منها وغنـــ..
قطعت كلامها لانها كانت بتقول غني.. بس هي ما تدري على حسب الي قالوه اليها فغيرت الكلام وكملت: وشلون يعني تزوجها وهي مو راضية.. هي تحدد حياتها انته مو على كيفك..
سالم ضحك ضحكة سخرية: الحين انتين جاي تعلميني جيفه ازوج بناتي.. لا يكون حاطينش محامية عليهم وانا ما ادري.. اسمعي حبيبتي.. قصي السانش لا انا اقصه اليش فاااااااهمة..
نيرمين طالعته وهي منقهرة وبكل حقارة: انته صدق واحد ما عنده ضمير ولا يخاف من ربه..
وطالعت خالتها وجنات: مع السلامة..
وطلعت من البيت بسرعة وهي تحس روحها متضايقة حدها.. مو قادرة تستوعب هالابو الي عدهم.. راحت تتمشى بخطوات ثقيلة الى البيت الين ما شافت روحها عند باب البيت.. وقفت عند الباب وهي مترددة تدخل لو لا.. و ويش تقول الى جنان.. ابوش بزوج اختش بدلش.. وقفت وهي محتارة..

\\\\\\\\\\\\\\\\\\\\\\\\\\\\ في الليل.. في بيت ابو جنان..
في الصالة وما بين الكل قاعد.. جنات الي قاعدة وهي وعليها دفتها وشالها الي مغطية ابه وجهها.. ومن تحت الغطاء كانت دموعها على خدها.. مو قادرة تصدق الي قاعد يصير..اما صفاء وسارة فكانوا قاعدين تحتها.. وقبالهم قاعد الشيخ وسالم والرجال << الي بيزوجها.. ورجالين << للشهود طبعا..
فتح الشيخ دفتر كان عنده.. واخذ البطاقات من سالم ومن الرجال.. وبس سجل الاسماء قال: يا بتي يا جنات سالم ال..... تقبلين تتزوجين من عقيل كريم ال..... << اكيد عرفتونه.. ((عقيل رجل زينب))..
جنات راحت في صدمة خلتها مو عارفة ويش تقول" اقول اليه مواقفة واهدم حياتي.. لو اقول اليه مو مواقفة.. بس اذا قلت اليه مو موافقة ويش بسوي ابوي فيي.. يا رب.. ويش الحل ويييييش..".. الشيخ يطالعها ويحارس منها الجواب: يا بتي انا احارسش.. موافقة تتزوجين من عقيل كريم..
جنات مو قادرة تنطق ولا شي.. طالعت امهاوامه جودت ايدها وكأنها تحاول تهديها..جنات طالعت ابوها..سالم وهو مو عارف ويش يسوي.. طالعها وهو يخزر فيها: يلا يا بتي.. لا تستحين.. جاوبي.. ما عليه شيخنا البنية تستحي.. هه
الشيخ: لا تستحين.. قولي الي يا بتي انتين موافقة لو لا؟؟..
جنات ساكتة وما تبى تجاوب..عقيل طالع سالم و حرك اليه راسه بمعني ويش فيها.. سالم ابتسم اليه وطالع جنات: يلا جنات..
جنات ضغطت على ايد امها الي قامت تصيح من دون صوت.. جنات طالعت ابوها وهي تقول: اني.. ا.. اني..
جنات" لالالالالالا.. ما امبي اوافق ما امبي.. لالالالالالالا": اني.. مــــــــــــــ

\\\\\\\\\\\\\\\\\\\\\\\\\\ في بيت نيرمين..
طلعت نيرمين من الحمام.. وراحت لبست اليها ثياب من بعد ما خلصت هالشاور .. طلعت من الحجرة وهي تنشف شعرها: جنااان.. سويتين الاكل.. والله ما اشتم ريحه.. هههه
دشت المطبخ بس ما شافتها: وين هي؟؟..
طلعت ودورت في كل البيت.. بس ما حصلتها: اااااه اكيد راحت بيتهم.. لا يا ربي هذي مجنونة ويش بتسوي بروحها.. اففففف.. اني الغبية قلت اليها.. خلني اروح البس دفتي والحقها..

لكل الي يحب يتوقع اتمنى انه يحط توقعه..
و اتمنى انه الجزء يكون عجبكم..
تحياتي: 333 ريحانة
من مواضيع 333 ريحانة في المنتدى

  رد مع اقتباس
قديم 05-12-2012, 08:46 PM   رقم المشاركة : ( 29 )
عضو موقوف

الصورة الرمزية 333 ريحانة

الملف الشخصي
رقــم العضويـــة : 115354
تـاريخ التسجيـل : Jun 2011
عدد المشاركات : 239
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 10

333 ريحانة غير متصل

افتراضي

اقتباس
المشاركة الأصلية كتبت بواسطة يسقط حمد تن تن تتن مشاهدة المشاركة
خيوو كمليي القصه
احين عااد بسرعه

اني كنت حابة اشوف ردود اكثر بس عشانش بكملها
من مواضيع 333 ريحانة في المنتدى

  رد مع اقتباس
قديم 05-12-2012, 08:56 PM   رقم المشاركة : ( 30 )
عضو موقوف

الصورة الرمزية 333 ريحانة

الملف الشخصي
رقــم العضويـــة : 115354
تـاريخ التسجيـل : Jun 2011
عدد المشاركات : 239
الــــــــجنــــــس : شــابة
الـــــدولـــــــــــة : البحرين
عدد الـــنقــــــاط : 10

333 ريحانة غير متصل

موضوع مميز الجزء السابع

الجـــــــــــــــــــــــــــــــــــــــــــــــ ـــــــــــزء الســـــــــــــــــــــــــــــــــــــــــــــــ ــابع..
احيانا.. ننصدم باشياء.. لابد ان تكون موجودة في هذه الحياة..
لا نستطيع تغيرها ابدا.. فالقدر و القضاء مكتوب على الجميع..
وهذا هو قضائي وقدري..



\\\\\\\\\\\\\\\\\\\\\\\\\\\\\\\\\\ في بيت ابو جنان..
جنات" لالالالالالا.. ما امبي اوافق ما امبي.. لالالالالالالا": اني.. مــــــــــــــ

















قطع كلامها صوت الجرس.. سالم" هذا وقته": بقوم اشوف انا..

جنات تنهدت بصوت خفيف" اشوه اشوه.. الحمدالله اني ما وافقت.. بس الحين بيجي ابوي وبوافق غصبا عني.. ااااه"..

سالم بطل الباب.. وتفاجأ بالي قدامه..كانت جنان واقفة.. طالعت وهي تقول: تزوجت جنات لو لا؟؟..

سالم مستغرب: لا..

دخلت البيت وهي دازه ابوها عن الباب.. وراحت وهي تطالعهم.. والكل كان يطالعها.. جنات" لااااااااا جنان ويش جابش جنان اختي.. لاااا"..صفاء اول ما شافتها شهقت.. قامت اليها وحضنتها: الحمد الله انش بخير.. الحمد الله..

جنان نزلت دموعها وهي في حضن امها..و سارة تطالعهم وهي تتحلطم بصوت خفيف..اما جنان باعدت امها عنها وطالعت الشيخ وقالت بكل ثقة: اني الي بتزوج.. مو جنات.. واني مواقفة.. يلا بسرعة سجل..

سالم راح قعد واشر اليها انها تجي تقعد تحته..راحت وقعدت: يلا ابوي اعطه بطاقتي.. اني موافقة..

سالم وهو يتنهد ويكلمها بصوت خفيف: فشلتيناااا..

طلع البطاقة وعطاها الشيخ وهو متفشل: ما عليه.. سامحنا يا شيخ..

الشيخ وكأنه مو فاهم السالفة اخذ البطاقة وسجل اسمها وقال: يا بتي يا جنان سالم.. تقبليــــــــــــ

جنان قاطعته: لو سمحت اني مواقفة.. ما يحتاج تسالني.. خلصنا بسرعة..


\\\\\\\\\\\\\\\\\\\\\\\ في الطريق..
طلعت نيرمين من بيتها وراحت تركض الى بيت خالتها....... وصلت البيت وقامت تطق الجرس وايدها ما شالتها من على الجرس... فجأة انفتح الباب.. كان سالم قدامها: هاا انتين ويش جاية تسوين اهني؟؟..

نيرمين: تباعد من اهني تباااااعد..

سالم تباعد ونيرمين دشت.. سالم: هه ترى بت خالتش تزوجت ما تقدرين تسوين اليها شي..

طالعته وهي منصدمة ومعصبة في نفس الوقت.. وراحت طقت الباب على حجرة البنات.. تبطل الباب وكانت جنات واقفة: نيرمين.. هلا حياش..

نيرمين تطالع جنات وتطالع صفاء وكانها تبى تعرف ويش صار.. جنات: مو اني.. جنان هي الي تزوجته..

نيرمين: ليييييش؟؟..

جنات تنهدت وقعدت على السرير: ضحت عشاني.. هه واني ما قدرت اضحي عشانها.. لو موافقة من الاول جان هي ما تزوجت الحين واحد ما تحبه..

صفاء مسحت على شعر جنات : حبيبتي لا تقولين جدي.. يمكن هالزواج يكون اليها خير مو شر..

نيرمين: الحين هي وين؟؟..

صفاء: في المجلس ويا الرجال..

في المجلس..

كانت جنان قاعدة بعيد عن عقيل.. وكانت قاعدة بدفتها وحجابها.. وكان السكوت سيد الموقفالين ما تكلم عقيل: انا عمري 40 سنة.. و.. و اشتغل في شركتي..

جنان" واني ويش دخلني فيييك.. اففف"..عقيل يكمل كلامه: و طبعا بتعيشين وياي و ويا زوجتي و اولادي..

جنان رفعت راسها تطالعه و كانها مو مستوعبة الي قاعد يقوله: وييييييييييييش؟؟.. عييييد عيييد امبي اسمع مرة ثانية.. هاااا قول اليي ويش قلت..

عقيل يطالعها ومستغرب: ويش فيش؟؟..

جنان قامت وقفت وطلعت بره المجلس وشافت ابوها في الصالة.. راحت اليه وهي تصرخ: اننتتتتتتتتتتتتتت.. يالليييييييي ما تخااااااااااااااااااف ربببك.. يا اللللي ما عندك احسااااااااااااااااس.. شلووووووووووووووووووووووووووووووون.. شلووووون تسووووووووووي جدي فيييييييييييييي.. هااااااااااا انطق.. اتكلم اتكلم امبي اعرف لييييييييييييييييييش.. صرت اشك اني مو بتك.. يمكن جاااااايبييييني من الشارع اني واختي.. وتبنيتونااااااااااااااااا.. الله ينتقم منك مثل ما حرقتتتتتتتتت قلبييييييييييييييي.. الللللللللللللللللللللللله ينتقممممممممممممممممممممممممممم مننك..

راحت ركيض لحجرتها وصكت الباب.. وكان الكل داخل الحجرة يطالعها ومستغرب.. نيرمين: ويييش صاير بررره؟؟.. من الي يصررررخ؟؟..

\\\\\\\\\\\\\\\\\\\\\\\\\\ في بيت ابو حسن.. بعد ساعة..

دخل البيت وهو يتنهد.. راح يركب الدرج وهو يفكر" معقولة الي سويته صح؟؟.. انا تزوجت على زينب.. اااااه يا زينب اااه.. ليش ليش ليش.. امبي اعرف السبب بس ليش سويتين جدي.. انتين الي جنيتين على روحش.. وانا لازم اطفي النار الي في قلبي.. فهالزواج بخليني انسى و انسى اليوم الي تزوجتش فيه.. لكن الاولاد.. ويش بصير فيهم.. انا ما اقدر اعيش من دونهم ما اقدر.."

وصل الحجرة وفتح الباب ودخل وصك الباب على عدال.. افتر وشاف زينب نايمة .. طالعها و عيونه كلها عتاب وفي نفس الوقت كلها حب وشوق وتأنيب ضمير.. قام يتمشى بخطوات خفيفة عشان ما تحس.. طالعها وفجاة تغير كل شي" انتين انتين الي سويتين جدي انتين.. الي صار احسن.. عشان تعرفين اني مو لعبة في ايدش"..

فتحت عيونها وقعدت من النوم.. طالعته وهو يطالعها..ومجرد ما تلاقت نظراتهم افتر عنها وفتح الكبت ياخذ اليه ثياب..قامت قعدت وهي تطالعه: توك جاي؟؟..

عقيل من غير نفس: اي..

زينب: كل هذا شغل.. ليش اليوم مطولين الاجتماع.. حارستك بس ما جيت.. فقلت خلني انام احسن.. << ما تدري بشي.. هه

عقيل: ما كان فيه داعي تحارسين..

\\\\\\\\\\\\\\\\\\\\\\\\\\ الصبح يوم السبت.. في بيت نيرمين..

كانت قاعدت تطالع التلفزيون.. وما بين هي قاعدة تطالع اتذكرت شي.. وقامت تفكر" عميي.. شلون اوصل اليه.. شلون يا ربي شلون.. لازم اوصل وصية ابوي لازم.. بس شلون اوصل الى عمي شلون.. ابوي قال اليي مرة انه اسم عمي حسين .. انزين اسم عمي وعرفته بس وين عايش.. معقولة يكون عايش في بيت جدي.. لو اخذ اليه بيت ثاني.. يا ربي ويش اسوي.. ما في الا اني ادور على رقمه في الدليل".. قامت وراحت اخذت كتاب الدليل وفتحته. وهي تدور: حاء حاء..

حصلت حرف الحاء قامت تدور على الاسامي: واجد اسامي حسين لكن راح يكون اسمه حسين محمد علي المسرور..

دورت وفجاة حصلت الاسم: اووف معقولة يكون هو.. ما اصدق.. بس اليه عدة اراقام.. خلني اتصل عليهم كلهم الين ما احصله..

حملت الكتاب وراحت الى تلفون البيت: لكن ويش اقول اليه.. امممم بقول اليه امبي اقابلك.. وبوصل رسالت ابوي وافتك من كل هالهم..

ضربت الرقم وحطت السماعة على اذونها.. حارست شوي الا ترد عليها صوت مرأة: الو..

نيرمين" هذي من بعد؟؟": الو سلام..

المرأة: عليكم السلام..

نيرمين: هذا مو تلفون حسين محمد علي المسرور؟؟..

المرأة: اي نعم.. ويش بغيتين منه؟؟..

نيرمين: امبي اكلمه لو سمحتين..

المرأة: سامحيني يا بتي الرجال تعبان حده.. وما يقدر الحين يتكلم..

نيرمين" عمييي.. تعبااان؟؟.. ويش فيييييه؟؟": عفوا يصير اعرف ويش فيه؟..

المرأة: من انتين؟؟..

نيرمين: اني؟؟.. امم لو سمحتين اعطيني عنوان بيتكم.. واني بجي ازوره وبقول اليه الموضوع.. لان الموضوع ما ينقال في التلفون.. وانشاء الله اذا جيت بتعرفيني..

المرأة: اممم.. اوكي تفضلي العنوان (------)..

سجلت نيرمين العنوان: اها عرفته.. مشكورة ما تقصرين.. يلا مع السلامة..

المرأة: الله يسلمش..

صكت التلفون وهي تفكر" افف.. اني ليش مشغول بالي.. يعني يمكن تعبان عادي.. ليش مكبرة اني الموضوع.. يمكن مريض عادي"..

\\\\\\\\\\\\\\\\\\\\\\\\\\ في الليل.. في بيت ابو جنان..

في حجرة البنات..

كانوا جنان وجنات منبطحين على سرير واحد.. وكل وحدة مقابلة الثانية.. جنان: اني ما امبي اصير مثل سارة تصدقين..

جنات طالعت اختها وهي متضايقة: جناان.. سامحيييني الله يخليش.. لو اني وافقت على الرجال جــ..

قاطعتها اختها: اوووووش.. انتين ما اليش خص او اي ذنب..

جنات: امبلا اني لو وافقت جان انتين الحين بتكونين مرتاحة.. وما بتتدمر حياتش..

جنان: لا شلون ما بتدمر حياتي واني اشوف اختي تصير مكاني.. انتين مجرد وسيلة الي خلتني اتزوجه.. والا لو ابوي ما كان بزوجش جان اني ما جيت..

جنات دمعت عيونها وقامت تصييح.. و جنان يوم شافتها ما قدرت تتحمل وحضنتها وقامت تصيح وياها..

\\\\\\\\\\\\\\\\\\\\\\\\\\\\\\ الصبح يوم الاحد.. في بيت نيرمين..

قعدت من نومها والشمس تضرب في عيونها.. حست بالضوء المزعج.. فقامت من نومها وهي متنشطة.. تحس روحها نشيطة ومتحمسة بس ما تدري على ويه..

راحت دخلت الحمام واخذ تاليها شاور.. وطلعت لبست بنطلون اسود.. وجت بتاخذ فانيلة سوداء لانها الى حد الان متأثرة بابوها.. لكن حبت تغير واخذت فانيلة بيضاء وفيها نقوش بالاسود.. و لبستها.. ونشفت شعرها المبلل و الطويل الناعم و ورفعته على فوق.. راحت المطبخ بتسوي اليها فطور بس وقفها شي.. صوت الجــــــرس..

نيرمين" بسم الله.. من جاي هالحزة.. الساعة 6:30.. الله يستر يا ربي.. جان مو في خالتي او بناتها شي".. راحت اخذت اليها حجاب وركضت فتحت الباب.. شافت جنات واقفة وحاملة في ايدها جيس.. نيرمين خافت: ويش صاير جنااات؟؟.. خالتي فيها شي؟؟.. والا جنان.. او انتين.. ويش صاير؟؟..

جنات: ههه.. لا الحمد الله احنا ما فينا شي.. بس امي قالت اللي اجيب اليش هالاكل.. تتفطرين ابه.. بس ترى من دون ابوي ما يدري.. ويعني انتين بتتعبين كل يوم تسوين اليش الفطور فخلتني اجيب اليش شوي..

نيرمين تنهدت: ااه.. غربل الله بليسش خوفتيني.. جيبي.. وقولي الى خالتي مشكورة والله لا يحرمني منش..

جنات: ههههه يوصل انشاء الله..

نيرمين: رايحة للباص عشان المدرسة؟؟..

جنات: اي..

نيرمين: الا جنان وينها؟؟..

جنات: ما تبى تروح المدرسة.. تقول تعبانة وما اليها خلق..

نيرمين تضايقت: مسكينة.. الله يساعدها..

جنات تنهدت: يا الله الحين بروح.. تبين شي؟؟..

نيرمين: لا روحي.. الله يحفظش..

جنات وهي رايحة : مع السلامة..

نيرمين وهي صاكة الباب: الله يسلمش..

اكلت وبعد ماكملت غسلت المواعين.. و نظفت البيت ورتبته.. و طالعت شوي التلفزيون وبعدين قرات قران شوي.. الين ما صارت الساعة 9..
كانت قاعدة تقرا القران.. وفجأة لفت انتباهها الساعة الى صارت تسع.. قامت وصكت القران وحبته.. وراحت حجرتها واخذت اليها فلوس وحطتهم في شنطتها.. ولبست دفتها وحجابها وطلعت من البيت.. صكت الباب وقفلته.. طالعت سيارة ابوها المغبرة ونزلت دمعة من عيونها: لو انته اهني جان انته الى وصلتني.. لكن الحين اضطر اروح بتكسي ابوي.. لكن ما عليه بتدرب سياقة اذا صار عندي فلوس و بسوق بسيارتك..
مسحت دمعتها وقامت تتمشى الين ما وصلت الى الشارع.. وقفت تحارس تكسي .. الين ما مر تكسي من صوبها: تفضلي اختي..

نيرمين فتحت الباب الي وراء ودخلت.. وعطت السايق الورقة: الى هالعنوان لو سمحت..

السايق: انشاء الله..

مشى السايق وطول الطريق نيرمين تفكر جيفه راح تقابل عمها.. بتجي تقول اليه اني بنت الي اخذت منه الورث.. الي حرمته الورث وظلمته.. وعلى ظلمك هو مسامحنك لانه يحبك ولانه من دمك.. ويش بتقول اليه.. افكار توديها وتجيبها .. خايفة انها تقابل عمها وانه يطردها من بيته.. وخايفة انه ما يرحب فيها .. ويسوي اليها مثل ما سوى الى ابوها.. وخايفة بعد انها تكون حنت الى عمها لانها الى حد الان هي خايفة وتفكر ويش الي في عمها..

وفجاة وصل السايق الى البيت المطلوب وقف: تفضلي يا انسة..

نيرمين قعدت من تفكريها وعطت السايق فلوسه وقامت طلعت من التكسي.. افترت الا تنبهر بالي قاعدة تشوفه.. مو قادرة تستوعب.. وكأن احد عاطنها كــــــــــف..

نيرمين: هذا بيت عمييييييييييييي......

\\\\\\\\\\\\\\\\\\\\\\\ في بيت ابو جنان..
في الصالة..

كانت سارة قاعدة وهي تطالع التلفزيون..طلعت جنان من الحجرة والا تشوفها.. انقهرت منها بس ما اليها خلق تهاوشها وراحت بتدش المطبخ..بس وقفها صوت سارة: هلو انتين.. لا سلام ولا كلام.. لييييش مو مالية عيونش اني؟؟..

افترت اليها جنان وهي منبطة جبدها: اسمعي سارة.. اني ما امبي اتهاوش وياش.. فسكتي لان واصلة وياي الى اهني <<< وهي تاشر على جبهتها.... فيعني سكتي احسن اليش..

سارة بسخرية: هه يمااا خوفتيني الحين عاد..

جنان: انتين صدق انش ما تسحتين على وجهش..

سارة انقهرت وصرخت: هييييييييييييه انتين احترمي نفسسسش اقووووول..

جنان منقهرة ومعصبة: لا مو محترمة نفسيييي ويش راييييش؟؟..

سارة: اي طبعا ما راح تحترمين نفسش.. لانه التربية الي متربيتها تربيييية فاااااشلة..

جت جنان بترد عليها..بس سكتها صوت من وراها: انتين الي احترمييي نفسش.. ترااااش زوتينهااااا.. زوجي وماخذتنه منيييي.. و بتي وبتبعدينها عني.. لكن ما اسمح الييييش انش تغلطين على تربيتي.. ترى تربيتي تسواش وتسوى اهللللش..

\\\\\\\\\\\\\\\\\\\\\\\\\\\\\ في بيت عم نيرمين..

نيرمين: هذا بيت عمييييييييييييي......

طالعت نيرمين.. كان كبير وكأنه فله.. واسع حده.. فيه حديقه من قدامه ومحاوط البيت سور دار مدارته.. ليه طابقين.. وديكورة عجيييييب حده..

وقفت مصدومة شوي.. لكنها حاولت تستوعب شوي.. راحت الى الباب الكبير.. تقريبا حق تدش فيه السيارات.. جت بتدش الا تشوف حراس واقفين.. " ما اصدق مو قادرة استوعب يا ربي.. ابوي قال اليي انا عائلته غنية بس يعني اول مرة اشوف جدي".. دخلت من الباب الصغير الي تحت الباب الكبير.. وكانوا الحراس يطالعونها مستغربين.. جه اليها حارس من الحراس: عفوا.. بغيتين احد؟؟..

نيرمين ارتبكت: هاا.. اي.. يعني.. بغيت.. ح.. حسين.. حسين محمد علي..

الحارس: اها تفضلي وياي بوصلش.. العم داخل..

نيرمين مشت وراه وهي تطالع في الحديقة والسيارات المصفوفة.. وكل شي باهرها في هالبيت.. <<< عايشة في فقر وين تحصل هالشي.. ههههه..

نيرمين وصلت الى باب البيت.. راح الحارس طق الجرس.. وهي واقفة قبال الباب تقريبا.. فجاة تبطل الباب وكانت وحدة خدامة واقفت: نئم.. <<< نعم..

الحارس: وين العمة نجيبة..

نيرمين" منهي دي نجيبة.. الحين نشوف ليش اني مستعجلة"..

الخدامة: لحدة سوي.. <<< لحظة شوي..

حارسوا شوي الا في مراة طالعة وعليها حجابها.. كانت كبيرة بالسن تقريبا يعني ام.. و سمراء شوي.. وعليها جلابية جميلة حدها.. ولا كانها قاعدة في بيتها كانها بتطلع لحفلة.. <<< طبعا هذا بالنسبة الى نيرمين..
نجيبة وهي تطالع نيرمين: اهلا..

الحارس: انا استاذن يا عمة..

نجيبة تطالع الحارس: اوكي..

ردت طالعت نيرمين وهي مستغربة.. نيرمين" يمكن تكون مرت عمي.. ما ادري" : ا.. ا.. س..سلام..

نجيبة: عليكم السلام يا هلا.. تفضلي يا بتي من بغيتين؟؟..

نيرمين مرتبكة شوي: ا.. اني امس.. اتصلت.. و .. و ردت عليي مراة بس ما ادري منهي.. وقلت اليها امبي اكلم عمي حسين.. وعطتني هالعنوان وجيت..

نجيبة وكانها تذكرت: اي اي صح.. اني الي كلمتش.. اهلا يا بتي تفضلي..

نيرمين دخلت وهي تقول" خايفة يا ربي جان اذا عرفت اني بت صالح ويش بتسوي فيني.. يا الله بس بقول الوصية واروح ياااااا رب..".. دخلت وهي مبتسمة.. رفعت راسها وانبهرت ازيد بديكور البيت.. شافت انه قدامها الدرج.. وعلى يمينها صالة وعلى يسارها بعد.. نجيبة: تفضلي اهني..

راحت وراها الى الصالة الي على يمينها.. وكان ديكور الكنبات ولون الصالة عجييب حده.. والبيت نظيف ومرتب وريحته روعععة.. نجيبة: قعدي حياش..

نيرمين ابتسمت اليها وقعدت.. ونجيبة قعدت قبالها: اني مرت حسين.. الي كلمتش امس..

نيرمين مبتسمة: اها.. اهلا تشرفنا..

نجيبة: الا انتين من وين تعرفين ابو علي..

نيرمين مستغربة: من ابو علي؟؟..

نجيبة ضحكت: ههههه.. قصدي حسين.. اسمه ابو علي..

نيرمين" اها عجل اسمه بعد ابو علي": هه.. بصراحة اني اعرفه من زمان.. و ..

ما قدرت تكمل خايفة من مرت عمها.. ويش بتسوي فيها..

نجيبة مستغربة: امم.. كملي..


هذا الجزء و نزلته..
واتمنى انكم ما تحرموني من ردودكم..
وشكرا لكل متابعي روايتي..
تحياتي: 333 ريحانة
من مواضيع 333 ريحانة في المنتدى

  رد مع اقتباس
إضافة رد

الكلمات الدلالية (Tags)
روايات بحرانية ضياع فتاة, صياع فتاةبحرانية رواية, ضياع فتاة رواية بحرانية



جديد مواضيع قسم عيـ[القصص و الروايات]ـون
LinkBacks (?)
LinkBack to this Thread: http://www.bh30.com/vb3/bh30280217.html
أرسلت بواسطة For Type التاريخ
‫ظ†ظ€ظ€ظ€ظ€ظ€ظƒظ€ظ€ظ€ظ€ظ€ظ€ظ€ظ€طھ طھظ€ظ€ظ€ظ€ظ€ظ€ظ€ط§ط§ط§ظٹظ€ظ€ظ€ظ€ظ€ظ… | Facebook‬ This thread Refback 07-27-2012 11:45 PM

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:


المواضيع المتشابهه
الموضوع كاتب الموضوع المنتدى مشاركات آخر مشاركة
قصة عامية بحرانية, قصة بحرانيه واقعيه جريئه ، قصه بحرانية ، بحرانية قصة رائعة اميـ العشاق ـرة عيـ[القصص و الروايات]ـون 240 02-02-2014 12:20 AM
رواية روميو البحرين // بقلمي أبجديتي حروف إبداع عيـ[القصص و الروايات]ـون 18 10-09-2012 03:53 PM
رواية بحرانية ... محتاج قربك لاتضيعني CwaZy عيـ[القصص و الروايات]ـون 11 09-06-2012 05:01 PM
رواية بحرانية روعه /محتاج قربك لا تضيعني яed яσse القصص والروايات الطويلة 52 07-09-2012 11:52 PM
اعــــشــــقــــكـــ ... اول رواية لي ( بقلمي ) fa6o0om el 7elwa القصص والروايات الطويلة 3 08-03-2011 02:31 AM

استخدم متصفح جوجل كروم لتصفح آمن واسرع

Use Chrome browser fo higher security and reliability


الساعة الآن بتوقيت مملكة البحرين 12:15 AM


Powered by vBulletin® Copyright ©2000 - 2014, Jelsoft Enterprises Ltd.
SEO by vBSEO
منتديات غياهب
ادارة المنتدى تبرء ذمتها عن ما يكتب او التعارف الغير شرعي بين الجنسين ، جميع الحقوق محفوظه 2005- 2012